Aktualitet

‘Karantina është hapur në Kavajë’/ Silva Bino e mohon kategorikisht: Nuk e tregojmë se shqetësohen banorët e zonës (VD)

  • Koronavirusi/ Silva Bino jep këshilla: Të kujdesemi për higjenën!
  • Silva Bino është shprehur se është zgjedhur një qendër në vend por që ende nuk do të bëhet publike pasi mund të shkaktojë panik tek banorët e zonës.
    Featured image of article: ‘Karantina është hapur në Kavajë’/ Silva Bino e mohon kategorikisht: Nuk e tregojmë se shqetësohen banorët e zonës (VD) Silva Bino dhe spitali i Kavajës

    TIRANË– Silva Bino, shefja e departamentit të Sëmundjeve Infektive ka mohuar zërat se karantina për të prekurit e mundshëm të koronavirusit në Shqipëri do të jetë në Kavajë.

    Bino është shprehur se është zgjedhur një qendër në vend por që ende nuk do të bëhet publike pasi mund të shkaktojë panik tek banorët e zonës.

    PYETJE: E keni fjalën për Kavajë kur flisni për karantinën?

    SILVA BINO: Absolutisht jo. Ajo nuk është qendra që kemi përcaktuar. Nuk është se nuk e tregojmë. Do shqetësohet popullata e asaj zone. Në momentin përkatës do ta merrni vesh. Kini pak besim tek strukturat. Po e ndjejmë veten të dyshuar në çdo gjë që bëjmë. Jam shumë e sinqetë.

    Për më shumë bëhu pjesë e grupit më viral në Facebook, Dosja.al

    Shqipëria është përfshirë nga paniku dy ditët e fundit që pas përhapjes së Koronavirusit kinez në Itali ku ka shënuar dy viktimat e para në Milano ndësa 76 të prekur të tjerë janë  konfirmuar në 5 rajone të vendit. Sipas Shefes së Departamentit të Infektivit, Silva Bino, është mësuar se Shqipëria nuk ka pasur asnjë rast të konfirmuar me Koronavirus, por ajo ka shpjeguar se edhe nëse njerëzit evidentojnë simptoma të dyshimta të mos i drejtohet spitaleve por të telefonojë numrin e gjelbër 127. Nga e premtja kur u identifikuan 3 personat  e parë të prekur nga virusit dhe deri më sot ku janë shënuar dy viktima, në Itali numri i rasteve me Koronavirus është rritur në 76 persona. Ndërsa në rang global ku Kina zë numrin e parë për numrin e lartë të viktimave, numëron rreth  2345 të vdekur dhe mbi 75 mijë të infektuar nga Koronavirusi.

    (k.m/dosja.al)

    Shto Koment