Showbiz

Karantina ndan Devis Xherahun nga partnerja, këngëtari zbulon dorën pas videove të tij argëtuese

Përmes një lidhje skype për emisionin “ Vizioni i Pasdites” për Vizion Plus, Devis Xherahu zbuloi se dora që fshihet pas videove argëtuese që hedh në instagram është e mamasë së tij.
Featured image of article: Karantina ndan Devis Xherahun nga partnerja, këngëtari zbulon dorën pas videove të tij argëtuese Devis Xherahu

TIRANË– Devis Xherahu dhe partnerja e tij Ertemiona janë duke e përjetuar të ndarë këtë periudhë karantine dhe kjo sepse secili duhet të kujdeset për familjen e tij. Përmes një lidhje skype për emisionin “Vizioni i Pasdites” për Vizion Plus, Devis Xherahu zbuloi se dora që fshihet pas videove argëtuese që hedh në instagram është e mamasë së tij.

“Unë kam nënën në një moshë madhore 70 vjeç edhe familja e Ertemionës e ka një gjyshe që duhet të jetë afër. I kemi ndarë detyrat kemi marrë në patronazh ne prindërit tanë. Këtë periudhë karantine e kemi zgjedhur të rrimë afër prindërve tju shërbejmë. Dikur na shërbenin ata tani iu erdhi koha tju shërbejmë ne atyre. Kamera për çudi është nëna ime në të gjitha videot që shikoni,”– tha ai.

Sikundër pjesa dërrmuese e djemve edhe Devisi ka probleme me modelin e flokëve në mungesë të berberëve i është ti presë flokët vetë.

Unë jam praktik si tip dhe ti dal zot vetes vetë dhe thashë ja ku erdhi koha që të filloj një zanat të ri. Kjo qethja që shikoni ju është qethja që është në video para 5-6 ditësh. Isha bërë si arushat panda,”– shtoi këngëtari.

Sa i takon gatimit, edhe Devisi si korçar që është nuk mund të rrijë pa eksploruar në recetën e qofteve, të cilën sipas nënës së tij më mirë të mos e përsërisë me.

Për më shumë bëhu pjesë e grupit më viral në Facebook, Dosja.al

“I thashë nënës që sot do ishte ajo e ftuar në drekën time dhe do bëj cfarë të dua unë i thashë. Bëra qofte me patate të skuqura dhe sallatë. Kur mbaroi nëna më tha ti Devi shumë mirë, por duhet më mirë të këndosh biri im dhe ma ler mua këtë punë,”- përfundoi me humor ai.

Ndërkohë në Shqipëri bilanci i personave të prekur me Covid-19 ka shkuar në 409, ndërsa 23 persona kanë humbur jetë. Numri i të shëruarve ka shkuar në 165. Harta e të prekurve është zgjeruar me 6 raste në Tiranë dhe 3 në Elbasan, por krahasuar me ditët e tjera, numri i të prekurve po bie. Prej tre ditësh, nuk është shënuar asnjë viktimë nga Covid-19 në Shqipëri. Qeveria dhe mjekët bëjnë thirrje që qytetarët të respektojnë masat e marra për COVID-19.

(f.m/dosja.al)

Shto Koment