AktualitetDikur

‘Kam vajzën me kancer’/ Me lot në sy, çfarë thoshte ish-efektivi Loci para Gjykatës: S’marr asnjë shpërblim, edhe në shtëpi s’kam pllaka

  • Në kërkim për shpërdorim detyre, arrestohet në Shkodër efektivi i FNSH-ve, Loci
  • 48-vjeçari u arrestuanë vitin 2017 gjatë operacionit "Early Spring", bashkë me 17 persona të tjerë, të gjithë të akuzuar për kultivim lëndësh narkotike.
    Featured image of article: ‘Kam vajzën me kancer’/ Me lot në sy, çfarë thoshte ish-efektivi Loci para Gjykatës: S’marr asnjë shpërblim, edhe në shtëpi s’kam pllaka Ardian Loci

    SHKODËR– Ditën e sotme në Shkodër u arrestua ish-efektivi i FNSH-ve, Adrian Loci, i cili ishte shpallur në kërkim për shpërdorim detyre. 

    48-vjeçari u arrestuanë vitin 2017 gjatë operacionit “Early Spring”, bashkë me 17 persona të tjerë, të gjithë të akuzuar për kultivim lëndësh narkotike.

    Mësohet se Loci i ka konsideruar të fabrikuara akuzat për dekonspirim të aksioneve antikanabis dhe ka theksuar se i ka shërbyer policisë për 21 vite.

    Edhe pse Loci u ndalua pasi akuzohej se dekonspironte aksionet policore, ish-efektivi nuk e ka pranuar asnjëherë akuzën duke u shprehur se kishte punuar gjithmonë me nder, duke mos lënë pa përmendur edhe kushtet e vështira ekonomike.  Avokati i tij nga ana tjetër paralajmëronte shenja të rënda psikologjike që mund ta dërgonin deri në depresion, ndërsa i pandehuri shpërthente në lot para togave të zeza.

    “Nuk kam qenë mirë që nga momenti i arrestimit. Kam vuajtur gjithë këto kohë. Jam vizituar dhe jam mjekuar njëkohësisht. Kam edhe ilaçet me vete, që më kanë dhënë. Më shumë se asgjë, kam hallin e vajzës sime të sëmurë. Ajo më mundon. Vajzën e kam me kancer. Po shkoj në vetëvrasje. Kam 21 vjet që i kam shërbyet këtij shteti, jam më i dalluari dhe arrestohem sa u ktheva nga shërbimi nga Peshkopia pas 4 ditësh. Më kanë marrë në telefon duke bërë muhabet kot dhe nuk kam dekonspiruar operacionet. Me shpërblimin që na ka dhënë shteti kam larë borxhet. Kam qenë 4 ditë me shërbim në Peshkopi kur kam ardhur jam njohur me vendimin e prokurorisë. S’kam marre asnjë shpërblim. Kam shtëpinë pa pllaka. E ndjej veten shumë të renduar aq sa të vras veten. Janë akuza të shpifura. S’kam bukë në shtëpi. Edhe një shpërblim që mora kam shlyer borxhet dhe energjinë. S’kam patur leke t’i paguaj vajzës ilaçet. Nuk i përkas asaj kategorie. I kam çuar një shoku një thes miell se s’kishte me çfarë e merrte dhe i thashë mos me thuaj me ashtu se kushedi si merret, në rregull më tha. ” deklaroi ai para gjykatës.

    SKEMA SI FUNKSIONIN

    Në përgjimet e Prokurorisë së Shkodrës rezulton se personat që u dënuan bashkëpunonin me njëri-tjetrin për të shitur kanabisin pasi e prodhonin apo ndihmonin njëri-tjetrin në ruajtjen e parcelave. Gjatë bisedave këshillonin njëri-tjetrin që në disa raste të qëllonin me armë ndaj policisë kur efektivët shkonin për të asgjësuar parcelat apo kishin dyshime për dekonspirim mes të njohurve të përbashkët. Pas hetimeve disa mujore, u asgjësuan 166 parcela me gati 32 mijë rrënjë cannabis sativa, ndërsa të gjithë të arrestuarit u dënuan në total me 42 vite burg. 

    (k.m/dosja.al)

    Shto Koment