Aktualitet

Banorët e Lezhës rrëfejnë dramën e 9 muajve pas tërmetit, Angjelina Bregaj: Vajzën e kam me Sindromën Down, kanë ardhur 5-6 komisione, por asnjë zgjidhje për shtëpinë

VIDEO
Angjelina Bregaj është një prej qindra familjarëve që prej 9 muajsh jetojnë në dramën e post,tërmetit të 26 nëntorit të 2019, që u shembi banesat. Ajo tregon se dimrin e ka kaluar mes gërmadhave. Ndërkohë një qytetar tjetër, Vatë Bregu tregon se jeton ende në çadër.

LEZHË- Shumë banorë të Lezhës vijojnë të jenë në qiell të hapur, pas tërmetit të 26 nëntorit të vitit të kaluar. Së fundmi ish-nënkryetarja e bashkisë së Lezhës, Alfrida Marku, ishte në familjen Bregu në Lezhë, ku u njoh me historinë e dhimbshme të Angjelina Bregaj.

Shtëpia e saj u kategorizua si e pabanueshme dhe prej 9 muajsh ajo kujdeset për bashkëshortin e saj me epilepsi dhe vajzën me sindromën Down në një kontenier i cili sa herë bie shi e fut gjithë ujin brënda. Banesa e saj dhe dy familjeve të tjera që jetojnë në të njëjtën ndërtesë, është klasifikuar e pabanueshme që duhet shembur e rindërtuar, por deri tani kanë shkuar 5-6 konisione por asnjë zgjidhje s’ka marrë. Ndërkohë vetë gruaja tregon se gjatë dimrit ka jetuar mes gërmadhave.

“Unë jam Angjelina Bregaj. Shtëpinë, ma ka rrëzuar tërmeti. Jemi 3 familje në një rreth shtëpie. Shtëpinë e kanë vlersuar të pabanueshme dhe e kanë vlerësuar për rindërtim. Më kanë ardhur nja 5-6 komisione këtu dhe as edhe një përgjigje nuk më kanë dhënë veç do vijmë sot, do vijmë nesër edhe asnjë ardh këtu nuk më ka. Unë jam vetë i katërti. Kam burrin me sëmundjen e epilepsisë, kam vajzën me sindromën Down, jam vetë me migrenë e me spontiatrozë, një djalë kam shëndoshë prej të madhit Zot se ne të tërë jemi të sëmurë. Kam një plak 73 vjeç, ka jetuar tërë dimrin vetëm në gërmadhat. Unë sot jetoj në garsoniere (kontejner) . Ha, pi, rri se unë aty nuk mund të hyj. Çfarë bie shi jashtë më bie në garsoniere brenda. Ma kanë pru demek për të fortë. Garsonieren (kontenjerin) e kam veç me fjet për verë brenda se për dimër nuk bën.”, u shpreh ajo. 

Për më shumë bëhu pjesë e grupit më viral në Facebook, Dosja.al

Në të njëjtën ndërtesë ka jetuar edhe familja e Vatë Bregut, i cili thotë se në çadër kushtet janë të vështura, ndërsa në shtëpinë e rrënuar ka rrezik.

“Jam kryefamiljari këtu. Shiheni vetë shëpinë se si është. Kanë ardh e kanë parë, s’ka ardh kush as do me dit gjë kush, pasha hajrin se tashi ne jena familjarë. I kanë pru këto dy çadra këtu po këto rrjedh sa rrjedh s’ësht me nejt gjithmonë në çadër as në atë hekurishten atje, atë llamarinën atje. Shtëpinë ma kanë nxjerr DS4, me e bë që nga themeli edhe hala tash sa muaj nuk ka ardh kush me pyet se ku rrin edhe ku jeton, pasha hajrin. Pra unë dua, vetë si plak unë e kam hangër kashtën e samarit, unë rri edhe atje në mal një plastmas, po kam hallin e kësaj vajzës së vogël edhe djalit me epilepsi, edhe them me vete edhe me e pas hasëm duhet me ndihmue.”, thotë Vatë Bregaj.

Ky është një realitet krejt ndryshe, nga ai që paraqet kryeministri Edi Rama në videot që poston në rrjetet sociale. Javët e fundit, kreu i qeverisë ka shkuar në çdo banesë të rindërtuar dhe u dorëzon çelësat banorëve. Ai premton se çdo banesë e dëmtuar nga tërmeti do të rindërtohet. Por, kanë kaluar shumë muaj edhe qindra familje po i kalojnë netët në qiell të hapur. Të gjithë i kanë sytë nga qeveria.

J.V/Dosja.al 

Shto Koment