Politike

Kallëzimi ndaj kreut të KED-së, Prokuroria e Tiranës regjistron padinë e Metës ndaj Dvoranit

Kreu i shtetit ka kërkuar të administrohen një sërë provash materiale, deri tek audioregjistrimi i mbledhjeve të zhvilluara, pasi sipas presidentit nga 30 mbledhje të zhvilluara nga KED, vetëm një prej procesverbaleve është zbardhur.
Featured image of article: Kallëzimi ndaj kreut të KED-së, Prokuroria e Tiranës regjistron padinë e Metës ndaj Dvoranit Ilir Meta dhe Ardian Dvorani

TIRANË– Ditën e sotme Prokuroria e Tiranës ka regjistruar padinë e Presidentit Ilir Meta, i cili akuzonte kreun e Këshillit të Emërimeve në Drejtësi, Ardian Dvoranin për shpërdorim detyre dhe përvetësim i titullit ose detyrës shtetërore.

Burime zyrtare nga organi i akuzës bëjnë me dije se padia është regjistruar vetëm për veprat penale dhe jo në emër të Dvoranit. Tashmë pritet që hetuesit të verifikojnë nëse ka elemente të veprës penale dhe më pas të vendosin nëse do të zhvillojnë hetime për këto akuza.

Kreu i shtetit ka kërkuar të administrohen një sërë provash materiale, deri tek audioregjistrimi i mbledhjeve të zhvilluara, pasi sipas presidentit nga 30 mbledhje të zhvilluara nga KED, vetëm një prej procesverbaleve është zbardhur.

PËRPLASJA META-DVORANI

Për më shumë bëhu pjesë e grupit më viral në Facebook, Dosja.al

Padia e Presidentit Ilir Meta ndaj Ardian Dvoranit është bërë në lidhje me ngërçin në Gjykatën Kushtetuese. Sipas Ilir Metës, kreu i Këshillit të Lartë të Drejtësisë, Ardian Dvorani, ka shkelur ligjin dhe ka kryer dy vepra penale, shpërdorim detyre dhe përvetësim të titullit apo detyrës. Meta kërkon nga Prokuroria sekuestrimin e audiove të mbledhjeve, ndërsa kreu i KED shprehet se ai nuk ka shkelur asnjë ligj. Një padi për Dvoranin ka paralajmëruar dhe Avokati i Popullit në lidhje me emërimet në e gjyqtarëve në Kushtetuese.

Ngërçi KED-Presidencë-Kuvend, ka shkaktuar një amulli me Gjykatën Kushtetuese, pasi Meta nuk e njeh Arta Vorpsin si anëtare të saj dhe për rrjedhojë nuk i ka bërë as betimin, ndërsa Kuvendi dhe KED, po. Meta ka dekretuar  Marsida Xhaferllarin, ndërsa Arta Vorpsi nënshkroi një deklaratë tek noterja dhe me të u paraqit në kushtetuese.

(a.m./dosja.al)

Shto Koment