Bota

‘Ka prova se u manipuluan’/ OSBE kërkon anullimin e rezultatit të zgjedhjeve në Bjellorusi, bën thirrje për votime të reja presidenciale

OSBE, në bazë të një raporti dënon abuzimet "masive" të drejtave të të njeriut dhe torturat që u shkaktuan në Bjellorusi pas zgjedhjeve. Po ashtu OSBE ka bër thirrje për votime të reja.
Featured image of article: ‘Ka prova se u manipuluan’/ OSBE kërkon anullimin e rezultatit të zgjedhjeve në Bjellorusi, bën thirrje për votime të reja presidenciale Foto Ilustruese

Organizata për Sigurinë dhe Bashkëpunimin në Evropë (OSBE) ka bërë thirrje ditën e djeshme, që të anulohet rezultati i zgejdhjeve presidenciale në Bjellorusi. OSBE, në bazë të një raporti dënon abuzimet “masive” të drejtave të të njeriut dhe torturat që u shkaktuan në Bjellorusi pas zgjedhjeve. Po ashtu OSBE ka bër thirrje për votime të reja.

“Ka prova shqetësuese se zgjedhjet presidenciale të 9 gushtit ishin manipuluar dhe se forcat e sigurisë kryen shkelje masive dhe sistematike të të drejtave të njeriut kundër protestave paqësore,” thuhet në një dokument të paraqitur në Këshillin e Përhershëm të OSBE-së me seli në Vjenë.

Raportuesi Wolfgang Benedek, i cili në vitin 2018 shkroi një studim ndërkombëtar mbi persekutimin e kryer nga autoritetet në Çeçeni, tani ka mbledhur disa qindra dëshmi, me fotografi dhe video.

Në dokument, Benedek përmend torturat e përgjithshme dhe sistematike, si dhe trajtimin çnjerëzor dhe degradues të protestuesve, por edhe kalimtarëve që ndodhën në rrugë gjatë protestës. OSBE bën thirrje për zgjedhje të reja, por “reale” që do të përmbushin kriteret ndërkombëtare.

Për më shumë bëhu pjesë e grupit më viral në Facebook, Dosja.al

Duke vepruar me kërkesë të 17 vendeve, përfshirë Francën, Shtetet e Bashkuara dhe Britaninë e Madhe, Benedek shqyrtoi 700 deklarata të shkruara dhe në internet, pasi nuk ishte në gjendje të vizitonte Bjellorusinë sepse autoritetet atje refuzuan të bashkëpunonin.

Bjellorusia është goditur nga një krizë e rëndë politike që nga zgjedhjet presidenciale të 9 gushtit, kur filluan demonstrimet masive në të gjithë vendin kundër presidentit autoritar Alexandër Lukashenko.

(A.k.dosja.al)

Shto Koment