Aktualitet

‘Ka probleme me depresionin’/ Bashkëshortja e Mhill Gegës tregon çfarë i rrëfeu i shoqi pas vrasjes: Erdhi në shtëpi, më tha kam bërë aksident, e mora unë në telefon policinë

Bashkëshortja e Mhill Gegës ka dhënë një intervistë për 'Panorama' aty ku është shprehur se Gega dhe Gjeta kanë qënë kolegë pune e se janë konfliktuar me njëri-tjetrin për arsye pune që ende nuk e dinë.
Featured image of article: ‘Ka probleme me depresionin’/ Bashkëshortja e Mhill Gegës tregon çfarë i rrëfeu i shoqi pas vrasjes: Erdhi në shtëpi, më tha kam bërë aksident, e mora unë në telefon policinë Mhill Gega

LEZHË– Bashkëshortja e Mhill Gegës, autorit të vrasjes së shokut të tij, Mark Gjetës ka treguar se i shoqi vuan nga probleme të shëndetit mendor. Ajo ka dhënë një intervistë për ‘Panorama’ aty ku është shprehur se Gega dhe Gjeta kanë qënë kolegë pune e se janë konfliktuar me njëri-tjetrin për arsye pune që ende nuk e dinë.

E shoqja e Gegës, i cila një ditë më parë tentoi vetëvrasjen në burg ka treguar se pak minuta pasi i shoqi përplasi me makinë Mark Gjetën ka shkuar në shtëpi dhe i ka thënë se ka bërë aksident. Ajo ka treguar se ka qënë ajo që ka lajmëruar policinë që më pas kanë bërë të mundur arrestimin e bashkëshortit të saj.

INTERVISTA:

Kur kanë lindur konfliktet mes burrit tuaj dhe Mark Gjetës?

Ata kanë punuar në ndërmarrjen e ujësjellësit bashkë dhe kanë qenë kolegë pune. Para tri vitesh janë konfliktuar gjatë punës për arsye që as ne nuk i kemi mësuar. Po atë ditë, pas orarit të punës burri im ka shkuar te shtëpia e të ndjerit për t’u marrë vesh dhe aty kanë bërë konflikt akoma më të madh, madje i është thyer edhe xhami i makinës. Është njoftuar Policia, kanë shkuar, kanë kryer veprimet dhe Mëhillin e kanë shoqëruar ku ka qëndruar për tri ditë i arrestuar në Polici dhe më pas është lënë i lirë.

Po pas kësaj ngjarjeje çfarë ndodhi?

Ne e bindëm Mëhillin që të linte punën për të shmangur konfliktet dhe ai u shkëput. Pas kësaj, dashamirës të të dyja familjeve ndërhynë bashkë me djalin e Mëhillit që erdhi nga Italia dhe kërkuan të rregulloheshin raportet mes tyre. Mëhilli u rikthye sërish në punë dhe fliste me viktimën. Por në vazhdimësi ankohej në shtëpi se Marku e provokonte dhe nuk ndjehej mirë. Përballë kësaj situate ai u sëmur dhe që të mos kishim konflikte të mëtejshme, ai e la punën, po bëhet 1 vit.

A kishte probleme shëndetësore burri juaj?

Për më shumë bëhu pjesë e grupit më viral në Facebook, Dosja.al

Në vitin 2019 shfaqi probleme të shëndetit mendor. E kemi vizituar në Tiranë dhe na thanë se ka probleme depresive dhe nisi të mjekohej. Dimrin e këtij viti sëmundja përparoi dhe Mëhilli kishte shumë momente gjatë ditës që nuk vetëkontrollohej, por asnjëherë i dhunshëm në familje ku jeton dhe nëna e tij në moshën 86-vjeçare. Mëhilli, djali i vetëm i kësaj nëne, fillon të ketë probleme shëndetësore dhe kërkuam që djali i madh të kthehet nga Italia për ta dërguar në Tiranë për kurim. Por gjendja e pandemisë vonoi kthimin e djalit, duke u përkeqësuar gjendja e tij, por asnjëherë i dhunshëm. Që kur kishte lënë punën nuk ka pasur asnjë kontakt me Mark Gjetën.

Çfarë ndodhi ditën e ngjarjes?

Duke qëndruar pa u ushqyer e fjetur për 3 ditë me radhë për shkak të sëmundjes, arrin ditën e 17 shkurtit rreth orës 13:00 të marrë makinën për të bërë një furnizim ushqimor për familjen. U nis dhe brenda pak minutash është kthyer në shtëpi dhe më tha mua se kam bërë aksident. Më pas nuk ka qenë më i vetëdijshëm për të treguar ngjarjen. Kam qenë unë që kam njoftuar Policinë dhe kanë ardhur e kanë marrë te shtëpia.

A keni pasur kontakte me familjen e viktimës?

Të them të drejtën, jemi shumë të tronditur nga ajo çfarë ka ndodhur, pasi me ndërhyrjen e dashamirësve tanë dhe djalit që erdhi nga Italia, nuk kanë pasur më konflikte me njëri-tjetrin. Jemi të pikëlluar në zemër dhe po jetojmë fatkeqësinë e familjes Gjeta, e cila është një familje e nderuar.

Çfarë kërkoni?

Kërkoj që organet e drejtësisë të zbardhin ngjarjen dhe burri im të marrë dënimin që meriton. Por jam e bindur se asgjë nuk ka qenë e qëllimshme. Duke qenë se që kur ka lënë punën s’kanë pasur asnjë konflikt mes tyre, unë mendoj se depresioni ka bërë që ai të humbasë kontrollin e vetes.

(a.b)/dosja.al

Shto Koment