Sport

Juventusi dhe Milani, “pazar” midis tyre: Bernardeschi për Romagnolin

“Goal.com” njofton se zyrtarët e të dy klubeve kanë nisur të detajojnë shkëmbimin në mes të dy lojtarëve
Featured image of article: Juventusi dhe Milani, “pazar” midis tyre: Bernardeschi për Romagnolin

ITALI – Dy klubet “big” të Seria A, Juentusi dhe Milani, po mendojnë për të kryer një transaksion midis tyre, duke ndërruar “kokë më kokë” anësorin Federico Bernardeschi me mbrojtësin e qendrës Alessio Romagnoli. Kontratat e të dy futbollistëve janë afër fundit, ato skadojnë në qershor të vitit 2022.

Kësisoj raporton “Goal.com”, i cili njofton se zyrtarët e të dy klubeve kanë nisur të detajojnë shkëmbimin në mes të dy lojtarëve. Romagnoli ka humbur vendin e tij të titullarit dhe kapiteni i kuqezinjve konsiderohet i ngadaltë për skemat e trajnerit Stefano Piolit.

Nga ana tjetër, Bernardeschi është përdorur kudo. Nga anësor në një ‘trequartista’, një 9 fals, një mesfushor qendror, madje kohëve të fundit edhe një mbrojtës krahu te Juventusi. Nëse ai do të shkonte te Milani, mendohet se ai do të kishte më shumë një rol titullari, si pjesë e treshes që mbështet qendërsulmuesin.

Rezultatet finale të zgjedhjeve në kohë reale dhe të përditësuara nga burimi zyrtar KQZ këtë vit do të mund ti ndiqni në Dosja.al. Kliko për të parë platformën.

B.T (Dosja.al)

 

Shto Koment