Aktualitet

“Jemi të traumatizuar, flakët na erdhën në dritare”/ Flet fqinji i pronarit të fabrikës në Fushë-Krujë: Është hera e dytë që këtij biznesi i vihet zjarri, shteti nuk ka marrë asnjë masë

Fqinji shprehet se është hera e dytë që kësaj fabrike i vihet zjarri. Ai thekson se shteti duhet të marrë masa.
Featured image of article: “Jemi të traumatizuar, flakët na erdhën në dritare”/ Flet fqinji i pronarit të fabrikës në Fushë-Krujë: Është hera e dytë që këtij biznesi i vihet zjarri, shteti nuk ka marrë asnjë masë Foto nga vendi i ngjarjes

FUSHË-KRUJË/ Detaje të reja kanë dalë nga djegia e fabrikës në Fushë-Krujë. Qemal Zylfo, fqinji i pronarit të fabrikës ka deklaruar për mediat se familjes së tij i është rrezikuar jeta nga flakët. Ai ka theksuar se është hera e dytë që kësaj fabrike i vihet zjarri dhe se shteti nuk ka marrë asnjë masë.

“Kjo është hera e dytë që kësaj fabrike i vihet zjarri. Flakët nga erdhën në dritaren e shtëpisë, dolëm të traumatizuar nga banesa.  Mos të kishin ardhur për të na thirrur ne do ishim djegur brenda. Kemi qenë në gjumë kur ra zjarri, na erdhën te porta duke na thënë “dilni jashtë”. Jemi 4 veta në familje, 2 fëmijët nusja dhe unë. I bëj apel shtetit që të largoje menjëherë dërrasat nga këtu, do na djegin brenda. Fabrika nuk ka sistem për fikjen e zjarrit Nuk e kuptoj se shteti lejon që të na rrezikohet jeta. Nuk është marrë asnjë masë nga shteti, nga policia dhe nga vetë pronari, u shpreh ai.

Për më shumë bëhu pjesë e grupit më viral në Facebook, Dosja.al

Ky reagim i tij vjen, pasi sot rreth orësh 04:00 të mëngjesit është shkrumbuar nga flakët  një fabrikë e prodhimit të paletave që ndodhet pranë urës së Gjolës, në Fushë-Krujë. Frabrika është pronësi të Afrim Çelës dhe në të janë djegur me dhjetëra m3 lëndë drusore. Dyshohet se zjarrvënia është e qëllimshme.

J.V/Dosja.al

Shto Koment