Aktualitet

Çfarë do të ndodhë para zgjedhjeve?/ Zv.ministrja e Shëndetësisë: Karantina e plotë, guri i fundit i qeverisë nëse s’zbatohen masat

Tomini u shpreh se janë ezauruar deri në 80% të shtretërve, përfshirë edhe dy spitalet rajonale të Durrësit dhe Shkodrës.
Featured image of article: Çfarë do të ndodhë para zgjedhjeve?/ Zv.ministrja e Shëndetësisë: Karantina e plotë, guri i fundit i qeverisë nëse s’zbatohen masat Eugena Tomini

TIRANË– Zv.Ministrja e Shëndetësisë Eugena Tomini është shprehur se ka një rritje të numrit të rasteve që kërkon shtrimin në spital.

Në  një intervistë për A2CNN, Tomini u shpreh se janë ezauruar deri në 80% të shtretërve, përfshirë edhe dy spitalet rajonale të Durrësit dhe Shkodrës.

Kemi një transmetim komunitar, një transmetim me një incidencë të lartë të rasteve të konfirmuara. Kjo, konfirmuar jo vetëm me pozitivitetin, por edhe me rastet që kanë kërkuar shtrim spitalor kundrejt shtimit të kapaciteteve në shtretër në nivelin qendror, ku kemi ezauruar deri në 80% të shtretërve  përfshirë dhe dy spitalet rajonalë, spitalin e Durrësit dhe spitalin e Shkodrës. Ndërkohë, kemi një zbritje të fashës moshore drejt grupmoshave aktive, 15-24 dhe 25-34 vjeç”.

Sipas Tominit, karantina do të jetë ‘guri’ i fundit i përodrur kundrejt shtrengimit të masave.

Për më shumë bëhu pjesë e grupit më viral në Facebook, Dosja.al

Gjithkush nga ne nuk do të donte të shkonim drejt një karantine totale. Për më tepër do të jetë guri i fundit i kapur apo i përdorur përkundrejt shtimit të masave. Por dua të theksoj përgjegjshmërinë e secilit nga ne, duhet të jemi të gjithë të përgjegjshëm për zbatimin e masave.

Më 25 shkurt, përfundon afati i masave të vendosura nga komiteti i ekspertëve. Ditën e neserme pritet mbledhja dhe vendimet e radhës.

(kle.mu./dosja.al)

Shto Koment