Bota

Italia s’ka shpëtim nga Covid-19/ Raste të reja me virus nga Ballkani po shtohen në rajonin e Venetos

Lidhur me këtë shfaqje të rasteve të reja, Guvernatori i Venetos u shpreh  i shqetësuar se po shkatërrojnë të gjithë mundin për 4 muaj izolim që bënë deri më tani.
Featured image of article: Italia s’ka shpëtim nga Covid-19/ Raste të reja me virus nga Ballkani po shtohen në rajonin e Venetos Guvernatori i Venetos, Luca Zaia.

ITALI -Italia është një ndër vendet më të goditura nga koronavirusi, por javët e fundit është parë një ulje e ndjeshme si për numrin e viktimave gjithashtu edhe në numrin e rasteve të reja. Ndërkohë mediat e huaja kanë shkruar se raste të reja janë regjistruar në Veneto të Italisë, ku sipas autoriteteve janë raste që vijnë nga Ballkani.

Lidhur me këtë shfaqje të rasteve të reja Guvernatori i Venetos u shpreh  i shqetësuar se po shkatërrojnë të gjithë mundin për 4 muaj izolim dhe zbatim të masave që bënë deri më tani.

Po hedhim në plehra 4 muaj masash.”- ka thënë guvernatori i Venetos, Luca Zaia, pasi u njoftua se indeksi R që mat epideminë e koronavirusit ka kaluar ditët e fundit nga 0.43 në 1.63.

Siç është raportuar edhe nga mediat italiane vatra të shumta po zbulohen  çdo ditë në këtë rajon, nga të parët që u godit nga pandemia në javët e para të vitit, ndoshta edhe më herët. Një nga vatrat më shqetësuese vjen nga një lokalitet pranë Vicencës, ku rreth 90 persona janë nën hetim epidemiologjik pasi një menaxher i një sipërmarrje të produkteve metalike ishte kthyer nga Serbia. Prandaj ai së bashku me kolegët e tij kishin rënë në kontakt me një person të zonës, i cili doli i prekur nga virusi.

Për më shumë bëhu pjesë e grupit më viral në Facebook, Dosja.al

Ndërkohë në mënyrë të papërgjegjshme, personi i infektuar ishte kthyer në Itali me 25 qershor, kishte marrë pjesë dy ditë më vonë në një varrim dhe më pas në një ditëlindje. Dy ditë më vonë, simptomat e para, temperaturë, kollë, dhe vështirësi në frymëmarrje. Testimi del pozitiv. Mjekët i kërkojnë të shtrohet në spital por sipërmarrësi refuzon dhe mbyllet në shtëpi, deri sa gjendja e tij nuk përkeqësohet dhe shtrohet në reanimacion.

Burimi: Ilgazzettino

A.C/Dosja.al

Shto Koment