Rajoni

Italia merr masa të reja parandaluese ndaj Covid-19/ Ndalohen udhëtimet për festa… (MASAT E MARRA)

Ministri i Shëndetësisë, Roberto Speranza ka thënë se rregullat e reja synojnë të reduktojnë qarkullimin në vend gjatë periudhës së festave duke kufizuar grumbullimet.
Featured image of article: Italia merr masa të reja parandaluese ndaj Covid-19/ Ndalohen udhëtimet për festa… (MASAT E MARRA) Foto ilsutruese

ROMË-Italia është një nga vendet më të goditura nga pandemia e koronavirusit. Vendi është përballur më një numër të lartë infektimesh në valën e parë dhe në të dytën. Si pasojë ditën e sotme është lajmëruar për një kufizim të masave parandaluese.

Ministri i Shëndetësisë, Roberto Speranza ka thënë se rregullat e reja synojnë të reduktojnë qarkullimin në vend gjatë periudhës së festave duke kufizuar grumbullimet.

“Nëse ne tani ulim vëmendjen, vala e tretë na pret”, tha ministri i shëndetësisë, Roberto Speranza.
Sakaq, në masat parandaluese përfshihen, kufizime të udhëtimeve në shkallë kombëtare për festat e fundvitit. Udhëtimi mes rajoneve në Itali do të jetë i ndaluar nga 21 dhjetori deri në 6 janar. Dekreti përfshin edhe një rekomandim të fortë për të evituar pritjen në shtëpi të personave që nuk jetojnë bashkë.
Gjithashtu, rregullag e reja pritet të bëjnë të detyrueshme një karantinë 10 ditore për të gjithë ata që hyjnë në Itali nga vendet e tjera, duke filluar nga 20 dhjetori. Lëvizja pjesërisht ka si qëllim të pengojë italianët të udhëtojnë drejt resoreteve të skive që janë ende hapur në vendet fqinje të BE.

Ndërkohë, qeveria pritet të mbajë ende në fuqi sistemin e ndarjes në zona rreziku. Baret dhe restorantet do të mbeten të mbyllura në rajonet e klasifikuara si zona të kuqe dhe portokalli. Ndërsa mbyllja në orën 6 pasdite në zonat e verdha mbetet në fuqi ashtu si edhe ndalim qarkullimi pas orës 10 të mbrëmjes në të gjithë vendin.

Për më shumë bëhu pjesë e grupit më viral në Facebook, Dosja.al

Në zonat e verdha, restorantet janë të hapura por duhet të mbyllen në orën 6 pasdite dhe qeveria është në diskutim nëse do të lejojë apo jo restorantet të shërbejnë drekën në ditën e krishtlindjes dhe më 26 dhjetor. Pistat e skive do të qëndrojnë të mbyllura.

Që prej fillimit të pandemisë në itali janë regjistruar 1,641,610 raste infektimi dhe kanë ndërruar jetë 57,045 pacientë.

(k.a/dosja.al)

Shto Koment