Aktualitet

Ismail Elezi flet për situatën e krimit në vend: Rendi për të ardhur keq, pasiguria është shtrirë në të gjithë vendin

Elezi u shpreh se krimi është shtrirë në të gjithë vendin dhe kjo situatë është alarmante.
Featured image of article: Ismail Elezi flet për situatën e krimit në vend: Rendi për të ardhur keq, pasiguria është shtrirë në të gjithë vendin Ismail Elezi, ish-drejtuesi i lartë i Policisë

TIRANË- Ish-drejtuesi i lartë i Policisë së Shtetit, Ismail Elezi, ka komentuar situatën e krimit në vend, duke u shprehur se siguria është për të ardhur keq. Në një intervistë në Ora News, Elezi u shpreh se krimi është shtrirë në të gjithë vendin dhe kjo situatë është alarmante.

Ai në deklaratën e tij shtoi se policia e shteti është politizuar duke krijuar struktura si OFL që janë metoda për t’u bërë presion njerëzve.

“Rendi dhe siguria në vendin tonë është për të ardhur keq. Kurba e krimit është e shtrirë pothuajse në të gjithë vendin. Sot i mbushet mendja dikujt dhe gjuan me 100 plumba dikush përballë një hoteli dhe nuk do t’ia dijë se mund të vrasë 2 apo 100. Kur masat duhet të ishin në ekstrem, por nuk do t’ia dijë njeri. Nuk ka më punë operative, sepse është politizuar policia e shtetit. Çdokush që ndodhet në atë institucion i shërben vullnetit politik.

Për më shumë bëhu pjesë e grupit më viral në Facebook, Dosja.al

Sot është krijuar një OFL që dërgon vetëm formularë. Ky institucion vetëm po shkatërron hetimin. Ligji anti-mafia e ka përcaktuar qartë se nëse një shtetas është dënuar për një vepër penale, e ka për detyrim ligjor që të deklarojë burimin e pasurisë. Pastaj shkon OFL dhe i dërgon një copë letër për të deklaruar pasurisë. Kjo është një metodë për t’i bërë presion njerëzve, se kur i drejtohesh dikujt duhet të kem një urdhër prokurori dhe një vendim gjykate”, tha ai.

Deklarata e Ismail Elezit, bëhet në një kohë kur vrasjet janë shtuar dhe vetëm në muajin e fundit kanë humbur 10 persona. Atentate, vrasje për sherre të vjetra, apo konflikte të çastit janë shkaqet që kanë tronditur vendin gjatë verës.

(A.B. Dosja.al)

Shto Koment