Showbiz

“Ishte vendimi im”/ Jonida Maliqi flet hapur për divorcin: Një nga gjërat më të vështira që kam bërë, ishte dashuria e jetës time….diçka sublime që e ruaj edhe sot

VIDEO
Këngëtarja e cilësoi si dashurinë e jetës së saj ish-bashkëshortin, teksa shtoi se ajo që kishin bashkë ishte diçka sublime, nga e cila edhe sot ruan kujtime shumë të bukura. Për vendimin e divorcit, Jonida thotë se e mori ajo hapin e para, pasi mes tyre kishte humbur komunikimi dhe nuk e gjenin me gjuhën e përbashkët.
Featured image of article: “Ishte vendimi im”/ Jonida Maliqi flet hapur për divorcin: Një nga gjërat më të vështira që kam bërë, ishte dashuria e jetës time….diçka sublime që e ruaj edhe sot Jonida Maliqi dhe Gent Prizreni

TIRANË– Këngëtarja Jonida Maliqi ka folur hapur për mënyrën se si u divrcua më ish-bashkëshortin e saj Gent Prizreni, me të cilin ka edhe një djalë, Danin. E ftuar në rubrikën “Tani mund të këndosh” tek E Diela Shqiptare, Jonida tha se ka tre vite që është ndarë dhe se ka gjenë periudha më e vështirë për të sepse në mes ishte dhe djali i tyre.

Këngëtarja e cilësoi si dashurinë e jetës së saj ish-bashkëshortin, teksa shtoi se ajo që kishin bashkë ishte diçka sublime, nga e cila edhe sot ruan kujtime shumë të bukura. Për vendimin e divorcit, Jonida thotë se e mori ajo hapin e para, pasi mes tyre kishte humbur komunikimi dhe nuk e gjenin me gjuhën e përbashkët.

Pjesë nga biseda

Ardit Gjebrea: Si e more vendimin për të bërë divorcin?

Jonida Maliqi: Ishte shumë e vështirë, duke marrë në konsideratë që edhe se me ish-bashkëshortin tim ka kaluar gjysmën e jetës sime, 17 vjet dhe jam divorcuar në moshën 34-vjeçare. Kanë kaluar tashmë 3 vite.

Ardit Gjebrea: Ke qenë 17 vjeç kur e njohe, apo jo?

Jonida Maliqi: Po shumë e vogël. Ruaj kujtime shumë të bukura. Gjithçka erdhi ndoshta për shkak të konsumit edhe të disa arsyeve të tjera të cilat mbeten dhe do doja që të ishin personale. Ka qenë një ndër vendimet më të vështira të jetës sime.

Ardit Gjebrea: E morët bashkë?

Jonida Maliqi: Ishte vendimi im fillimisht, pastaj rrugëtuam të dy sepse për sa kohë dy njerëz nuk komunikojnë më, nuk gjejnë më gjuhën e përbashkët me njëri-tjetrin.

Për më shumë bëhu pjesë e grupit më viral në Facebook, Dosja.al

Ardit Gjebrea: Si ia dole se ishte dhe djali?

Jonida Maliqi: Unë vij nga një familje shumë e shëndetshme dhe gjithmonë jam rritur me frymën që do kisha familjen ideale, perfekte dhe ishte ëndrra ime që ta realizoja atë me sukses dhe divorcin e quaj si një dështim timin. Duke jetuar me një standart shumë të mirë jetese, jam munduar që të mbaj të njëjtin standart. Sigurisht ka qenë më e vështirë sepse tani jam një nënë e vetme, jetoj me tim bir, forca për të punuar falë zotit nuk më ka munguar, energjia jo. E vetmja gjë që kam punuar fort për veten time ka qenë ana psikologjike. Është shuëm e vështirë të marrësh një iniciativë të tillë, deri diku unë kam qenë si “Liza në botën e çudirave” kur kam përjetuar dashurinë e jetës sime.

Ardit Gjebrea: Ishte dashuria e parë?

Jonida Maliqi: Sigurisht! Ishte një dashuri shumë sublime, ishte ajo dashuri që ndoshta kur ti arrin një pjekuri fillon reflekton dhe ndonjëherë vë logjikën mbi ndjenjat e tua.

Ardit Gjebrea: Është më mirë kur i peshon gjërat, apo me zemër?

Jonida Maliqi: Unë mendoj se është kur gjen balancën sepse nuk mund t’i peshosh kursesi.

Sot Jonida Maliqi është në një lidhje me aktorin Romeo Veshaj. Gjithsesi këngëtarja nuk ka bërë asnjë deklaratë të fotë dashurie në lidhje me këtë marrëdhënie, duke u treguar mjaft e kujdesshme.

(f.m/dosja.al)

Shto Koment