Rajoni

“Ishte ngjarja më e rëndësishme në Histori”/ Hoti uron Ramën e shqiptarët për 28 Nëntorin: Kjo ditë na i përkujton sakrificat dhe luftën e përhershme

Në emër të Qeverisë së Republikës së Kosovës, Hoti ai i ka shprehur urimet më të përzemërta me rastin e Ditës së Flamurit 28 Nëntorit.
Featured image of article: “Ishte ngjarja më e rëndësishme në Histori”/ Hoti uron Ramën e shqiptarët për 28 Nëntorin: Kjo ditë na i përkujton sakrificat dhe luftën e përhershme Edi Rama dhe Avdullah Hoti

KOSOVË– Kryeministri i Republikës së Kosovës, Avdullah Hoti, me rastin e festës së Pavarësisë i ka dërgar letër Edi Ramës.

Në emër të Qeverisë së Republikës së Kosovës, Hoti ai i ka shprehur urimet më të përzemërta me rastin e Ditës së Flamurit 28 Nëntorit. Po ashtu ai shkruan se Shpallja e pavarësisë së Shqipërisë, më 28 nëntor 1912, ishte ngjarja më e rëndësishme në historinë e kombit shqiptar që nga nëntori i Gjergj Kastriotit  Skënderbeut. Po ashtu ai thotë se kjo ditë kjo ditë na i përkujton sakrificat e mëdha dhe luftën e përhershme që kemi bërë gjatë gjithë historisë për ta ruajtur të paprekshme frymë e qenies sonë nacionale.

LETRA

I dashur kryeministër Rama,

Për më shumë bëhu pjesë e grupit më viral në Facebook, Dosja.al

Në emër të Qeverisë së Republikës së Kosovës, ju shpreh urimet më të përzemërta me rastin e Ditës së Flamurit – 28 Nëntorit.

Shpallja e pavarësisë së Shqipërisë, më 28 nëntor 1912, ishte ngjarja më e rëndësishme në historinë e kombit shqiptar që nga nëntori i Gjergj Kastriotit – Skënderbeut. Në këtë ditë të shënuar, prijësit e të gjitha viseve shqiptare, në Vlorën e bekuar, e shpallën njëzëshëm Shqipërinë shtet më vete, të lirë dhe të mosvarur. Që nga ajo kohë, shqiptarët kudo janë e kanë mbajtur lart e me krenari Flamurin Komtar, që është simbol i unitetit, paqes dhe dashurisë së përjetshme në mes nesh. Dita e Flamurit – 28 Nëntori është ditë e secilit shqiptar, pavarësisht ku jeton a punon. Kjo ditë na i përkujton sakrificat e mëdha dhe luftën e përhershme që kemi bërë gjatë gjithë historisë për ta ruajtur të paprekshme frymë e qenies sonë nacionale. Sot, Republika e Shqipërisë krenohet me të arriturat e saj, veçmas me anëtarësimin në NATO dhe me afrimin drejt integrimit në Bashkimin Evropian, Këto të arritura janë frymëzim edhe për Republikën e Kosovës, që edhe ne të punojmë me vendosmëri për plotësimin e standardeve të kërkuara për anëtarësim në këto institucione. Përmbyllja e këtij procesi do të shënonte kthimin e kombit shqiptar në shtratin e vet të natyrshëm shpirtëror, kulturor edhe politik evropian.
Duke ju ripohuar ndjenjën e konsideratës sime më të lartë, i dashur Kryeministër, uroj që Republika e Shqipërisë të ketë përherë vetëm mbarësi dhe suksese!
Me respekt,
Avdullah Hoti,
Kryeministër i Republikës së Kosovës.

(A.k.dosja.al)

Shto Koment