Aktualitet

Ishin shpallur në kërkim, arrestohen babë e bir në Tiranë! Bie në pranga një 33-vjeçar pasi tentoi të kryejë marrëdhënie seksuale me dhunë, 8 të ndaluar në kryeqytet

Bien në prangat e Policisë 8 shtetas, për vepra të ndryshme penale.
Featured image of article: Ishin shpallur në kërkim, arrestohen babë e bir në Tiranë! Bie në pranga një 33-vjeçar pasi tentoi të kryejë marrëdhënie seksuale me dhunë, 8 të ndaluar në kryeqytet Policia e Tiranes

TIRANË– Policia e Tiranës ka arrestuar 8 persona pasi kanë kryer vepra të ndryshme penale. Kështu në pranga kanë rënë babë e bir të cilët me datë 4 prill të 2021 kanë goditur me thikë një 32-vjeçar.

Po ashtu është arrestuar dhe një 33-vjeçar pasi ka tentuar që të kryejnë marrëdhënie seksuale me dhunë me një 32-vjeçare.  Në pranga ka rënë dhe Elvis Shira, 31 vjeç, banues në Tiranë, pasi ka qënë i dënuar për “Falsifikim të dokumenteve”.

NJOFTIMI:

Bien në prangat e Policisë 8 shtetas, për vepra të ndryshme penale.Në vijim të punës për kapjen e personave në kërkim dhe vënien e tyre përpara përgjegjësisë ligjore, nga strukturat e DVP Tiranë u bë kapja dhe ndalimi i 3 shtetasve të shpallur në kërkim :•Specialistët për Hetimin e Krimit në Komisariatin e Policisë Nr.3 bënë ndalimin e shtetasve G. B., 49 vjeç dhe S. B., 22 vjeç, të shpallur në kërkim për veprën penale “Vrasje me dashje” e kryer në bashkëpunim, e mbetur në tentativë, sepse me datë 04.04.2021, në bashkëpunim me njëri-tjetrin kanë goditur me thikë shtetasin E. K., 32 vjeç, i cili ndodhet në spital, nën kujdesin e mjekëve.

•Nga specialistët e Krimit Ekonomik-Financiar u ndalua shtetasi Elvis Shira., 31 vjeç, banues në Tiranë, sepse Gjykata e Rrethit Gjyqësor Tiranë, e ka dënuar me 9 muaj burg, për veprën penale “Falsifikimi i dokumenteve”.

Specialistët për Hetimin e Narkotikëve bënë arrestimin në flagrancë të shtetasve :

L. H., 30 vjeç, pasi gjatë kontrollit fizik të ushtruar nga punonjësit e Forcës së Posaçme “Shigjetat” iu gjet dhe iu sekuestrua një sasi me lëndë të dyshuar kokainë.

Për më shumë bëhu pjesë e grupit më viral në Facebook, Dosja.al

E. K., 33 vjeç,pasi në bulevardin “Bajram Curri” gjatë ndalimit të mjetit për kontroll, ky shtetas ka braktisur mjetin dhe ka tentuar të largohet me vrap, duke hedhur në tokë një sasi me lëndë të dyshuar kokainë e cila u sekuestrua në cilësinë e provës materiale.

Nga specialistët për Hetimin e Krimit në Komisariatin e Policisë Nr.1 u bë arrestimi në flagrancë i shtetasit Gj. K., 33 vjeç,  pasi ka tentuar të kryejë marrëdhenie seksuale me dhunë me një 32 vjeçare, si dhe në mënyrë të vazhdueshme e ka përndjekur duke ushtruar dhunë fizike ndaj saj.

Specialistët e Qarkullimit Rrugor bënë arrestimin në flagrancë të shtetasve :

A. H., 49 vjeç, pasi u kap duke drejtuar mjetin në gjendje të dehur ;

A. B., 50 vjeç, pasi ka aksidentuar shtetasen e mitur me iniciale O. V., 15 vjeçe.

Materialet i kaluan Prokurorisë, së Rrethit Gjyqësor Tiranë, për veprime të mëtejshme.

(a.b)/dosja.al

Shto Koment