Aktualitet

Ish-kryeministri Sali Berisha sot feston 75-vjetorin e lindjes, karriera si profesor dhe politikan

Sali Berisha,ish-kryeministri i Shqipërisë sot feston 75-vjetorin e lindjes.
Featured image of article: Ish-kryeministri Sali Berisha sot feston 75-vjetorin e lindjes, karriera si profesor dhe politikan Ish-kryeministri Sali Berisha

TIRANË- Ish-kryeministri Sali Berisha ditën e sotme feston 75-vjetorin e lindjes. Berisha ka lindur më 15 tetor të vitit 1944 në Viçidol të Tropojës dhe mbi 30 vite ai ka qenë pjesë e sistemit postkomunist, ku ka pasur poste të rëndësishme, si president, kryeministër dhe lider i opozitës.

Sali Berisha ka studiuar për kardiologji ku përfundoi studimet në vitin 1967, më pas punoi si profesor në universitet e njëkohësisht ishte edhe një kërkues shkencor.

Në të njëjtën kohë, Berisha hyri edhe në politikë, duke marrë rolin e liderit të opozitës e cila ishte kundër komunizmit në vitete 1990.

Prej 6 vitesh, ku u përball me humbjen e zgjedhjeve me kryeministrin aktual Edi Rama, Berisha u zhvesh nga postet e rëndësishme, ai i liderit të opozitës për t’i lënë vend Lulzim Bashës, duke mbajtur vetëm postin e deputetit të PD.

Pas djegies së mandateve nga Opozita, lideri i të djathtëve nuk është më pjesë e parlamentit.

Karriera e ish-Kryeministrit Sali Berisha në politikë 

President (1992-1997)

Pas zgjedhjeve të para të lira në Shqipëri, Berisha u zgjodh President i Republikës më 9 prill 1992. Gjatë mandatit si President i Republikës së Shqipërisë, Shqipëria u hap ndaj perëndimit; ajo u bë anëtare e Këshillit të Evropës në vitin 1995; nënshkroi Marrëshveshjen për Paqe dhe Partneritet në vitin 1993 dhe vendosi bashkëpunim të ngushtë me vendet e BE-së dhe ShBA-në. Të gjitha ligjet e diktaturës komuniste u zëvendësuan me ligje të reja të standardeve evropiane dhe u krijuan institucione të reja si Gjykata Kushtetuese e Shqipërisë dhe Këshilli i Lartë i Drejtësisë, që nuk ekzistonin më parë.

Rënia e skemave piramidale në fund të viti 1996, në të cilat shqiptarët humbën miliona dollarë, çoi në demonstrata në të cilat njerëzit akuzonin qeverinë për vjedhjen e parave. Trazirat e krijuara si rezultat i kësaj në fillim të vitit 1997 e detyruan Berishën të dekretonte zgjedhjet e parakohshme në qershor 1997. Këto zgjedhje u fituan nga opozita dhe pas kësaj Berisha dha dorëheqjen si President.

Kryetar i opozitës (1997-2005)

Më pas Berisha ri-zgjidhet Kryetar i Partisë Demokratike dhe këtë pozicion e mban nga viti 1997 deri, i rizgjedhur në prill 2005 deri në 26 qershor 2013.

Në vitin pasues Berisha e fut Partinë Demokratike në koalicion me partitë e qendrës së djathtë dhe në zgjedhjet e përgjithshme politike të mbajtura në pesë raunde në periudhën qershor-gusht 2001 zgjidhet drejtues i koalicionit. Megjithëse misioni vëzhgues ndërkombëtar OSBE / ODIHR i quajti këto zgjedhje të manipuluara, koalicioni fitoi 37 % të votave.

Kryeministër (2005-2013)

Me 3 korrik 2005, koalicioni prej pesë partive të qendrës së djathtë i drejtuar nga Sali Berisha ja arrinë që të fitojë një mazhorancë prej 74 deputetësh nga 140 gjithsej në Kuvend[7] dhe më 8 shtator 2005 me shumicë prej 81 votash të deputetëve zgjidhet Kryeministër i Shqipërisë. Më 4 prill 2009 Shqipëria u pranua si anëtare me të drejta të plota në NATO. Kjo u arrit falë reformave të kryera të qeverisë Berisha. Sipas revistës së mirënjohur amerikane Forbes Shqipëria ishte pothuajse i vetmi vend në Europë qe kishte rritje ekonomike dhe e konsideron Berishën si arkitektin e suksesit ekonomik të Shqipërisë.

Sali Berisha është i martuar me Liri Berisha, e cila është pediatre dhe kanë dy fëmijë, një vajzë, Argitën, dhe një djalë, Shkëlzenin. Berisha zotëron gjuhën angleze, frënge, italiane,ruse dhe gjermane.

A.C/Dosja.al

Një Koment në “Ish-kryeministri Sali Berisha sot feston 75-vjetorin e lindjes, karriera si profesor dhe politikan

  1. Urime doktorit edhe 100 pervec atyre qe ka kurriz. Eshte fati madh qe ne kemi nje intelektual nj lider nje bure shteti nje te palodhur nje te ku do ndodhur ne cdo aspekt jetes te shqiptarve ,ndoshta edhe me mos pelqime e replika, por qe vaxhdon punoje e te denoncoje cdo padtejtesi , e per cdo njeri. Personalishte mendoj se eshte nje nga burrat me te ndritur te historise tone ,me gjthe gabimet gjate punes, .Historia do ta gjykoje me te mirat e me te keqiat e veta .Koha do ta tregoje .respekte e urime maksimale. Sadik Balla

Shto Koment