Politike

Ish-drejtues në komunizëm, Tërmet Peçi e bën ‘Qytetar nderi’, PD: Turp! Ka internuar njerëz

Këshilli Bashkiak i Tepelenës i ka dhënë titullin “Qytetar Nderi” Manxhar Binajt, njëri prej drejtuesve të nomenklaturës komuniste në jug të vendit.

Tepelenë- Këshilli Bashkiak i Tepelenës, ka diktuar aprovimin e titullit “Qytetar Nderi” të Manxhar Binajt, njëri prej drejtuesve të nomenklaturës komuniste në jug të vendit. Ky vendim është dhënë nën dijeninë e Tërmet Peçit, kryetarit të Bashkisë Tepelenë. Theksojmë se Manxhar Binaj ka ushtruar funksione drejtuese në sistemin komunist në vitet ’70-’80 kryesisht në Gjirokastër, Tepelenë e Vlorë.

 

 

Për këtë vendim ka reaguar edhe PD në Tepelenë e cila shprehet vendimi është marrë nga këshilltarët e majtë ku përbëjnë shumicën në Këshillin Bashkiak të Tepelenës. Kreu i këshilltarëve të djathtë Xhafer Meçe, e quan si një akt tërësisht të turpshëm nderimin që i bëhet me një titull të tillë, një funksionari komunist, i cili  sipas tij ka firmosur urdhra për internime dhe burgosje të familjeve tepelenase, gjirokastrite dhe vlonjate kur ka qenë në krye të Komitetit te Partisë.

Thekosjmë se vendimi është marrë nën forcën e kartonit të këshilltarëve të majtë ku përbëjnë shumicën në Këshillin Bashkiak të Tepelenës ç’ka është kundërshtuar fort nga këshilltarët e djathtë që janë në minorancë në legjislativin vendor.

J.V/Dosja.al

Shto Koment