Sport

Ish-kampioni Hummels: “S’do të turpërohemi, i kemi aftësitë për ta fituar turneun”

“Të gjithë duan të bashkohemi si ekip, të gjithë jemi gati për ta flijuar veten për ekipin. Ne mund të shkojmë larg”
Featured image of article: Ish-kampioni Hummels: “S’do të turpërohemi, i kemi aftësitë për ta fituar turneun”

GJERMANI – Mbrojtësi Mats Hummels dhe sulmuesi Thomas Muller, ish-kampionë të botës më 2014, janë dy nga lojtarët e rikthyer në kombëtaren e Gjermanisë nga trajneri Joakim Low për finalet e “Euro 2020”.

32-vjeçari i Dortmundit, në një intervistë për mediat, është shprehur se Gjermania nuk do të turpërohet në këtë event, ashtu si tri vjet më parë, kur dështoi totalisht në përpjekjet e saj për ta mbrojtur titullin në Kupën e Botës, në “Rusia 2018”.

Duke folur për “Kicker” para “Euro 2020”, që nis të premten, më 11 qershor, mbrojtësi i Borussia Dortmundit ka deklaruar: “Në atë kohë, e kishim të vështirë për të gjetur njëri-tjetrin, si ekip në stërvitje dhe në ndeshje. Por kjo sigurisht se nuk do të na ndodhë kundër Francës. E them sinqerisht, se ndjesia tani është tjetër, krahasuar me të atëhershmen”.

Për më shumë bëhu pjesë e grupit më viral në Facebook, Dosja.al

Qendërmbrojtësi Hummels, që duket titullar në ekipin e Low, ka shtuar: “Të gjithë duan të bashkohemi si ekip, të gjithë jemi gati për ta flijuar veten për ekipin. Ne mund të shkojmë larg. Jemi në rrugë të mbarë: i kemi aftësitë për ta fituar turneun”.

B.T (Dosja.al)

Shto Koment