Politike

Ish-deputeti i PD flet në përfundim të protestës: I kaloi pritshmëritë

Në një intervistë Bumçi tha se dita ishte me shi, por qytetarët ishin të shumtë në protestë.
Featured image of article: Ish-deputeti i PD flet në përfundim të protestës: I kaloi pritshmëritë Ish-deputeti i PD, Aldo Bumçi

TIRANË- Ish-deputeti i Partisë Demokratike, Aldo Bumçi ka thënë se  protesta e sotme i ka kaluar pritshmëritë. Në një intervistë për RTV Ora, Bumçi tha se dita ishte me shi por pavarësisht kësaj qytetarët ishin të shumtë në protestë.

“Është përtej pritshmërive, ishte një ditë me shi dhe rrebesh. Pavarësisht kësaj protestuesit ishin të shumtë. Të mos harrojmë kjo nuk është e para, protestë, pasi kemi dy muaj që jemi në shesh dhe protestat po vijnë duke u rritur. Shqitparët janë ngritur në këmbë nuk ka njëri që i kthen mbrapsht”, tha Bumçi.

Për më shumë bëhu pjesë e grupit më viral në Facebook, Dosja.al

Kjo është protesta e nëntë e opozitës që nga tubimi i parë në datën 16 shkurt. Opozita ka lënë mandatet në Kuvend dhe kërkon largimin e Edi Ramës si kryeministër dhe zgjedhje të lira dhe të ndershme.

(A.B. Dosja.al)

Shto Koment