Rajoni

Isa Mustafa reagon për sherrin në Kuvend mes Kujtim Shalës dhe Gazmend Gjyshnica: Deputetët e LVV-së improvizojnë, duan të luajnë rolin e viktimës

Në një postim në rrjetet sociale Mustafa është shprehur se deputetët e LVV improvizojnë pasi duan të bëjnë rolin e viktimës.
Featured image of article: Isa Mustafa reagon për sherrin në Kuvend mes Kujtim Shalës dhe Gazmend Gjyshnica: Deputetët e LVV-së improvizojnë, duan të luajnë rolin e viktimës Kryetari i Lidhjes Demokratike të Kosovës, Isa Mustafa.

KOSOVË-Kryetari i LDK, Isa Mustafa së fundmi ka reaguar pas pretendimeve se deputeti i Lëvizjes Vetëvendosje, Gazmend Gjyshnica është dhunuar  fizikisht  në korridoret e parlamentit nga dy deputetët Arben Gashi e Kujtim Shala.

Në një postim në rrjetet sociale Mustafa është shprehur se deputetët e LVV improvizojnë pasi duan të bëjnë rolin e viktimës. Ndër të tjera Mustafa tha se Kujtim Shala është akademik dhe kështu ndodhin gjërat kur deputetët e Vetëvendosjes nuk kuptojnë gjuhën e tij.

Reagimi i Plotë i Isa Mustafës

Për më shumë bëhu pjesë e grupit më viral në Facebook, Dosja.al

Kështu është, kur nuk e kupton gjuhen intelektuale të Akademikut Kujtim Shala. Nuk ke kapacitet të mendosh dhe ta kuptosh se çfarë tha dhe thua me rrahu Kujtimi.
Akademik Shala mund ti rrahë me dije e me argumente prej të parit deri në të fundit të VV-së dhe të gjithë së bashku. Ai ka dije e mendjehollësi; ka më shumë libra të botuara sesa VV-ja deputetë. Frikësohem se nëse deputetët e VV-së i lexojnë librat e Kujtimit dhe nuk i marrin vesh, pasi janë vetëm zhurmues, do ta thërrasin një helikopter, jo makinë të ndihmës së shpejtë, para ndërtesës së Kuvendit. Deri sot i kanë bërë të gjitha të zezat, e sot improvizojnë se i sulmuan deputetët e LDK-së, sepse duan të luajnë rolin e viktimës.
Tani po pres, që ndonjë diplomat i jashtëm, përkëdhelës i VV-së, të ma sjell një “demarsh” në LDK; ata që u mërzitën shumë kur e prishëm koalicionin me VV-në?! IM

Ditën e sotme deputetët e Kosovës janë përplasur pas një debati të tensionuar në Komisionin për Punët e Jashtme. Sipas mediave të Kosovës, deputeti i Lëvizjes Vetëvendosje, Gazmend Gjyshnica, është konfrontuar fizikisht me deputetët e LDK, Kujtim Shala dhe Arben Gashi. Si pasojë e sherrit, kryetarja e Komisionit, Time Kadriaj, vendosi të ndërprejë mbledhjen.

(A.K.Dosja.al)

Shto Koment