Rajoni

Isa Mustafa i uron suksese në zgjedhje Vjosa Osmanit: Rezultatet në fund do të tregojnë se për kë janë qytetarët e Republikës së Kosovës

Sipas mediave të Kosovës, i pyetur në lidhje me faktin nëse largimi i Osmanit do të dëmtonte rezultatin, ai theksoi se vendimi do të jetë i qytetarëve kosovarë. Ndërsa, në lidhje me krijimin e një koalicioni ai ka thënë se nuk kanë në plan të bëjnë asnjë. 
Featured image of article: Isa Mustafa i uron suksese në zgjedhje Vjosa Osmanit: Rezultatet në fund do të tregojnë se për kë janë qytetarët e Republikës së Kosovës Vjosa Osmani dhe Isa Mustafa

KOSOVË-Kryetari i Lidhjes Demokratike të Kosovës, Isa Mustafa i ka uruar suksese në zgjedhje Vjosa Osmanit. Sipas mediave të Kosovës, i pyetur në lidhje me faktin nëse largimi i Osmanit do të dëmtonte rezultatin, ai theksoi se vendimi do të jetë i qytetarëve kosovarë. Ndërsa, në lidhje me krijimin e një koalicioni ai ka thënë se nuk kanë në plan të bëjnë asnjë.

Sa i përket koalicioneve, nuk do të bëjmë koalicione me asnjë subjekt politik përveç asaj se si LDK mbesim të hapur që në listën tonë mund të hyjnë përfaqësues të ndonjë subjekti të vogël politik. Dëshiroj t’i uroj suksese zonjës Osmani meqë hyn në një garë vetë dhe rezultatet në fund do të tregojnë se për kë janë qytetarët e Republikës së Kosovës”, ka shtuar ai.

Gjithashtu, Mustafa është pyetur edhe për largimet e zyrtarëve nga degët dhe nëndegët e LDK-së që po i bashkohen listës së Vjosa Osmanit, ai ka thënë se ky është një vendim i marrë në të drejtën e tyre për të zgjedhur.

Për më shumë bëhu pjesë e grupit më viral në Facebook, Dosja.al

“Nuk e minimizoj. Nuk e shpall të pavlefshëm asnjë largim, pasi që çdo njeri që deri dje ka qenë në LDK, ka qenë me LDK-në dhe i ka kontribuar LDK-së. Në qoftë se ata njerëz mendojnë që nuk kanë më asgjë që t’i japin LDK-së dhe dëshirojnë që të provojnë t’u japin subjekteve tjera, është në të drejtën e tyre që ata të vendosin që të largohen dhe t’i bashkëngjiten listës së zonjës Vjosa Osmani”, -tha Mustafa.

Vjosa Osmani do garojë e vetme në zgjedhjet e parakohëshme që do të mbahen.  Deri më tani në listën është shtuar dhe një kryetar i nëndegës në Gjilan Albin Devaja.

(k.a/dosja.al)

Shto Koment