Politike

Integrimi i Shqipërisë në BE, Rama e krahason me pritjen e Godosë: Mendoj kaq shpesh në ditët e sotme për kryeveprën e Samuel Beckett…

Në një postim në Twitter, Rama shkruan se këto ditë, teksa ndjek deklaratat për Shqipërinë dhe Maqedoninë e Veriut i vjen në mendje kryevepra e Beckett.
Featured image of article: Integrimi i Shqipërisë në BE, Rama e krahason me pritjen e Godosë: Mendoj kaq shpesh në ditët e sotme për kryeveprën e Samuel Beckett… Edi Rama

TIRANË– Kryeministri Edi Rama e ka cilësuar hapjen e negociatave për Shqipërinë me dramën e Samuel Beckett, “Duke pritur Godonë”, ku në të vërtetë Godoja nuk vjen kurrë.

Në një postim në Twitter, Rama shkruan se këto ditë, teksa ndjek deklaratat për Shqipërinë dhe Maqedoninë e Veriut i vjen në mendje kryevepra e Beckett.

“Pse mendoj kaq shpesh në ditët e sotme për kryeveprën e Samuel Beckett, ndërsa ndjek deklaratat për Shqipërinë dhe Maqedoninë e Veriut? (Çdo ngjashmëri me ngjarje apo persona të vërtetë, të gjallë ose të vdekur, është sigurisht e rastësishme),”– shkruan Rama në Tëitter.

Të njëjtin shkrim e ka ripostuar edhe drejtori i komunikimit Endri Fuga, duke nënkuptuar se pajtohet me mendimin e kryeministrit.

Një ditë më parë ministrat e jashtëm të BE-së e shtynë vendimin për daten e nisjes së Konferencës Ndërqeveritare me Shqipërinë e Maqedoninë e Veriut. Gjithccka u shty për në verë, në samitin e Austrisë.

(f.m/dosja.al)

Shto Koment