Aktualitet

Inspektorati i Punës vijon kontrollet në terren: Kemi verifikuar 142 biznese, 24 i mbyllëm se nuk respektonin masat kundër COVID-19

Më tej shtohet shumica e subjekteve të kontrolluara kishin marrë në kuadër të parandalimitt ë përhapjes së COVID-19, ndërsa 24 prej tyre ku ishin të punësuar 2,832 vetë, nuk respektonin të gjitha masat e detyruara për zbatim dhe për këtë inspektorët e punës kanë operuar me pezullimin e punës deri në marrjen e këtyre masave.
Featured image of article: Inspektorati i Punës vijon kontrollet në terren: Kemi verifikuar 142 biznese, 24 i mbyllëm se nuk respektonin masat kundër COVID-19 Call Center dhe Inspekorati i Punës

TIRANË- Inspektorati i Punës ditët e fundit po vijon kontrollet në subkete të ndryshme tregtare për sigurinë në Punë. Sipas një njoftimi të bërë sot, Inpektorati ka bërë kontrolle në 142 subjektë, prej të cilave 91 subjekte fason, 26 subjekte që ushtrojnë aktivitet call center dhe 25 subjekte të tjera kryesisht, telekomunikacion, furra buke, tregti, minerare, përpunim nafte etj.

Më tej shtohet shumica e subjekteve të kontrolluara kishin marrë në kuadër të parandalimitt ë përhapjes së COVID-19, ndërsa 24 prej tyre ku ishin të punësuar 2,832 vetë, nuk respektonin të gjitha masat e detyruara për zbatim dhe për këtë inspektorët e punës kanë operuar me pezullimin e punës deri në marrjen e këtyre masave.

NJOFTIMI I PLOTË

Në zbatim të masave parandaluese për përhapjen e infeksionit të shkaktuar nga COVID-19, Inspektoriati Shtetëror i Punës dhe Shërbimeve Shoqërore po zhvillon kontrolle në terren në subjekte me numër të lartë punonjësish, e kryesisht në aktivitete ekonomike fasonë dhe call center . Trupat inspektuese në terren po verifikojnë respektimin nga punëdhënësit të masave të posacme, sipas përcaktimeve të Organizatës Botërore të Shëndetsisë dhe Minsitrisë së Shëndetësisë dhe Mirëqënies Sociale, për këtë situatë. Janë kontrolluar, verifikuar dhe monitoruar, gjithsej 142 subjekte në terren nga të cilët;  91 subjekte fason; 26 subjekte që ushtrojnë aktivitet call center dhe 25 subjekte të tjera kryesisht, telekomunikacion, furra buke, tregti, minerare, përpunim nafte etj. Numri i të punësuarve të kontrolluar në këto aktivitete arrin në 9,653, të cilët ishin prezent në punë.  Subjekte të rëndësishme të aktivitetit minerar dhe përpunues nafte kanë reduktuar numrin e punonjësve ndjeshëm gjatë këtyre ditëve. 83 subjekte të verifikuara kanë pezulluar vetë përkohësisht aktivitetin e tyre në kuadër të situatës. Nga kontrolli i 59 subjekteve, të cilët vazhdonin punën, ka rezultuar se: 35 subjekte kishin marrë masat për punonjësit duke siguruar; dizinfektimin e ambientit nga institucione apo subjekte të liçensuara,  vënien në dispozicion të mjete mbrojtëse për punonjësit (si doreza, maska ),  respektonin distancën e sigurisë mes punonjësve etj.

Për më shumë bëhu pjesë e grupit më viral në Facebook, Dosja.al

Ndërsa 24 subjekte, ku ishin të punësuar 2,832 vetë, nuk respektonin të gjitha masat e detyruara për zbatim dhe për këtë inspektorët e punës kanë operuar me pezullimin e punës deri në marrjen e këtyre masave.  Gjithashtu, ISHPSHSH ka pritur dhe trajtuar çdo ankesë/denoncim /kerkesë për informacion nëpërmjet faqes zyrtare (ëeb http://inspektoriatipunes.gov.al/sq/), të cilat janë adresuar jo vetëm individualisht nga punëmarrës, por edhe nga përfaqësi punëmarrësish, sindikata apo organizata të ndryshme. Inkurajojmë çdo punëmarrës të njoftojë organet përgjegjëse nëse në vendin e tyre të punës nuk janë kushtet higjenike sipas standardeve të kërkuara. Shëndeti i pari! FRIKE ASPAK, KUJDES PO!

Bilanci i COVID-19 në Shqipëri ka shkuar në 42 të prekur. Shkon në 3 numri i mjekëve të infektuar, pasi sot u njoftua nga ministria se janë prekur edhe dy mjekë të spitalit “Shefqet Ndroqi”. Disa ditë më parë një prej të prekurve, ndërroi jetë në Spitalin e Durrësit ndërsa deri më tani vatra e të infektuarve është zgjeruar në Tiranë, Rrogozhinë, Elbasan, Durrës, Lushnje dhe Fier. Ndërkohë jeta në vend është paralizuar thuajse totalisht, nuk ka transport publik, po ashtu dhe shumë vende punë janë mbyllur. Shumë qytete janë në ‘shtet-rrethim’ dhe është ndaluar dhe lëvizja e makinave private.  Rama iu bëri thirrje sot spitaleve private për t’ju bashkuar shërbimit shëndetësor publik. Ai paralajmëroi se do të gjobiten me 5 mln lekë spitalet që mund të refuzojnë këtë thirrje dhe bizneset që rritin çmimet. E vetmja këshillë e përbashkët e institucioneve dhe mjekëve është që qytetarët të qendrojnë në shtëpi dhe të kenë sa më pak kontakte me të tjerët.

(A.B. Dosja.al)

Shto Koment