Aktualitet

Inskenimi i aksidentit/ Flet Avokati i Izet Haxhisë: Polici nga Tropoja frenoi makinën pa shkak, i burgosuri humbi ndjenjat, nis hetimi

Izet Haxhia ka kallëzuar, grupin e shoqërimit, për një aksident të qëllimshëm sipas tij, teksa ai transportohej me pranga në duar nga burgu 302 në rrugën Mine Peza për në Prokurorinë për Krime të Rënda.
Featured image of article: Inskenimi i aksidentit/ Flet Avokati i Izet Haxhisë: Polici nga Tropoja frenoi makinën pa shkak, i burgosuri humbi ndjenjat, nis hetimi Izet Haxhia, Idajet Beqiri dhe Sali Berisha

Tiranë- Idajet Beqiri, avokati i Izet Haxhisë ka folur sërish për aksidentin që ndodhi sipas tij pak ditë më parë, teksa klienti i tij po transportohej  nga burgu 302 drejt Prokurorisë së Tiranës, ku do të dëshmonte ndaj ish-kryeministrit Sali Berisha.

Izet Haxhia ka përshkruar sipas tij gjithë skenën, ku ka theksuar se klienti i tij ka humbur vetëdijen nga frenimi i makinës pa shkak nga ana e policit. Për këtë ngjarje, Beqiri njofton se është bërë një kallëzim penal ndaj policëve të shoqërimit. Ai ka deklaruar se Izet Haxhia pa hile te grupi i shoqërimit, pasi kërkonin që para se të hipte në furgon t’i vendosnin prangat prapa.

“Makina, megjithëse rruga te Mine Peza është me trafik të rënduar, ka ecur me një shpejtësi tepër të madhe, thotë Izet Haxhiaj. Makina, megjithëse rruga te Mine Peza është me trafik të rënduar, ka ecur me një shpejtësi tepër të madhe, thotë Izet Haxhiaj. Një polic, që ndodhej në sendiljen përpara kafazit të furgonit, i ka bërë shenjë Izetit të afrohej tek telat e izolimit të kafazit. Në momentin që Izet Haxhiaj po ngrihej në këmbë, mjeti ka bërë një frenim të ashpër, si për aksident! Trupi i Izet Haxhisë nga inercia ka përfunduar te hekurat e kafazit, duke i rënë me kokë. Është goditur mbi vetullën e djathtë, te balli. Shenjat e ënjtjes dhe të çarjes dalloheshin qartë në ballin e Izet Haxhisë edhe dje, në datën 12 tetor 2019, të cilat i dëshmoj me përgjegjësi pasi i konstatova vet në takimin që pata dje për një kohë të gjatë me të në Burgun 302. Goditja ishte shumë e rëndë, më tha Izet Haxhiaj, dhe pësova një turbullim sa humba vetëdijen.  ”, shprehet avokati.

Dëshmia e plotë:

Në datën 9 tetor 2019, rreth orës 09.00 të mëngjesit,  Izet Haxhiaj do të shoqërohej për të shkuar në Prokurorinë e Krimeve të Rënda ku do të vazhdonte dhënien e deklarimeve kundër ish Presidentit të Republikës së Shqipërisë Sali Berisha, i kallëzuar penalisht për kryerjen e 23 krimeve të rënda, duke filluar nga një numër i konsiderueshëm vrasjesh, e deri te disa akte të rënda terroriste, grabitje e vjedhje, etj.

Ka dhënë shpjegime për 36 orë me radhë, në 6 ditë.

Burgu 302, ku është i paraburgosur Izet Haxhiaj, e ka siguruar dhe e trajton atë me korrektësinë më të madhe. Pra, në incidentin e rëndë të ndodhur në datën 9 tetor kundër Izet Haxhiaj, Burgu 302 nuk ka asnjë lidhje dhe asnjë përgjegjësi. Përkundrazi, drejtuesit e tij kanë bërë detyrën me qëllim që ngjarja të zbardhet deri në fund prej strukturave të policisë dhe të Prokurorisë së Rrethit Gjyqësor Tiranë.

Ditën e mërkurë, në datën 9 tetor, ora 09.00 do t’a çonin te Prokuroria e Krimeve të Rënda për të vazhduar ditën e 6 të deponimeve…Fillonte në orën 9.00 dhe mbaronte në orën 15.00. Gjithë natën kishte qenë i sëmurë. Temperatura i kishte shkuar deri 40 gradë. Është qetësuar me ilaçet që ka përdorur natën. Për shkak të mos ndërprerjes së deponimeve që kishte filluar të jepte te Oficeri i Policisë Gjyqësore në Prokurorinë e Krimeve të Rënda, ka vendosur të shkoj.

Ndryshe nga ditët e tjera, grupi i shoqërimit i Drejtorisë së Përgjithshme të Burgjeve, që e  merrte në dorëzim te Burgu 302 në orën 09.00, te Rruga “Mine Peza”, me përgjegjës grupi një me origjinë nga Tropoja,  donte t’i vinte prangat me duart nga pas. Ndërsa 6 ditët e tjera prangat i ka pasur me duart përpara.

Izet Haxhiaj, nuk e ka  pritur mirë këtë veprim. Ka parë hile tek përgjegjësi i grupit të shoqërimit, sepse e njihte si tropojan dhe nuk ka pranuar t’i vinin prangat nga pas.

Pas shumë debatesh, kur Izet Haxhiaj nuk ka pranuar të hipi në furgon me pranga pas dhe u ka thënë se nuk donte të shkonte te Prokurori, përgjegjësi i grupit të shoqërimit nuk ka insistuar më dhe e ka hipur në furgonin e policisë me prangat e vëna në duar përpara.

Makina, megjithëse rruga te Mine Peza është me trafik të rënduar, ka ecur me një shpejtësi tepër të madhe, thotë Izet Haxhiaj.

Për më shumë bëhu pjesë e grupit më viral në Facebook, Dosja.al

Një polic, që ndodhej në sendiljen përpara kafazit të furgonit, i ka bërë shenjë Izetit të afrohej tek telat e izolimit të kafazit. Në momentin që Izet Haxhiaj po ngrihej në këmbë, mjeti ka bërë një frenim të ashpër, si për aksident! Trupi i Izet Haxhisë nga inercia ka përfunduar te hekurat e kafazit, duke i rënë me kokë.

Është goditur mbi vetullën e djathtë, te balli. Shenjat e ënjtjes dhe të çarjes dalloheshin qartë në ballin e Izet Haxhisë edhe dje, në datën 12 tetor 2019, të cilat i dëshmoj me përgjegjësi pasi i konstatova vet në takimin që pata dje për një kohë të gjatë me të në Burgun 302.

Goditja ishte shumë e rëndë, më tha Izet Haxhiaj, dhe pësova një turbullim sa humba vetëdijen. Megjithëse u godit rëndë, duke e ndjerë dhembjen, këtë mënyrë frenimi të mjetit pa shkak, e përsëritën edhe disa herë të tjera. Ishte e qëllimshme, më pohoi Izet Haxhiaj, dhe nëse do të isha me prangat në duar nga pas, goditja në kokë do të ishte fatale.

Për këtë ngjarje është bërë një kallëzim penal. I kanë shkuar Izet Haxhisë në Burgun 302 përfaqësuesit e SHKB, oficerët e policisë gjyqësore dhe i kanë marrë deklarimet me korrektësi… E kanë çuar te Mjekësia Ligjore te Spitali Nënë Tereza dhe eksperti ka përpiluar raportin mjeko ligjor. Pra ka nisur një procedim penal.

Izet Haxhiaj insiston se veprimet që u kryen në datën 9 tetor 2019 ishin të qëllimta dhe me mesazhin e vetëm që të mbyllte gojën sepse kishte folur e deponuar shumë kundër Sali Berishës për 6 ditë me radhë. Mirëpo është vetëm fillimi i deponimeve. ..

Nga ana tjetër, gjatë deponimeve që ka bërë, njëra apo tjetra ngjarje, i ka zgjuar kujtesën për vepra të tjera penale të rënda që janë kryer dhe që numrin e akuzave nga 23 që ishin në dhjetor 2018, kur është bërë kallëzimi penal, tashmë është rritur në 30 akuza kundër Sali Berishës.

Institucionet ligj zbatuese të shtetit nuk po i vlerësojnë me gjithë seriozitetin e duhur gjithçka që po deponon me përgjegjësi të lartë ligjore Izet Haxhiaj. Statusi i tij po mbetet thjeshtë i një “të pandehuri”, çka nuk e ndihmon aspak zbulimin e plotë 30 krimeve me pasoja tragjike të kryera gjatë viteve 1991-1999, siç janë vrasjet e një numri të konsiderueshëm njerëzish, një numër i konsiderueshëm aktesh terroriste të kryera, një numër i madh personash që kanë bërë trafiqe njerëzore me pasoja të rënda në jetë njerëzore, grabitje dhe vjedhje të rënda të pasurisë etj, ende të pa zbardhura deri më sot.

Izet Haxhiaj i ka ndërprerë komunikimet me Prokurorinë e Krimeve të Rënda dhe nuk po deponon më asgjë, derisa të sqaroj mirë me autoritetet përkatëse ligj zbatuese, përmes mbrojtjes së tij ligjore, pozitën e tij aktuale dhe në të ardhmen.

Theksojmë për opinionin publik shqiptar se këto deponime që po jep Izet Haxhiaj në Prokurorinë e Krimeve të Rënda, janë një proces më vete dhe nuk ka asnjë lidhje me vrasjen e ish deputetit Azem Hajdari. Procesi për vrasjen e Azem Hajdarit është i hapur dhe do e rigjykoj Gjykata e Shkallës së Parë.

Momentalisht çështja është pezulluar sepse Gjykata e Shkallës së parë për Krime të Rënda ka shpallur konfliktin e kompetencës. Kjo do të thotë që Gjykata e Lartë, kur të krijohet, do të vendos së cila Gjykatë është kompetente për të rigjykuar nga fillimi çështjen e vrasjes së Azem Hajdarit dhe nëse ka apo jo përgjegjësi Izet Haxhiaj për të, Gjykata e Shkallës së parë Tiranë Tiranë, apo Gjykata e Shkallës së Parë Për Krime të Rënda”, ka treguar avokati.

Për katër ditë rrjesht Izet Haxhiaj ka deponuar tek Krimet e Rënda kundër krimeve të kryera sipas tij nga Sali Berisha për periudhën 1991-1999. Izet Haxhia është dënuar në mungesë me 25 vite burg për vrasjen e ish-deputetit Azem Hajdari. Pas 17 vitesh në mungesë, Haxhia është rikthyer në Shqipëri duke kërkuar rihapjen e dosjes, pasi ai kurrë nuk i ka pranuar akuzat e ekzekutimit të deputetit Azem Hajdarit në vitin 1998.

J.V/Dosja.al

Një Koment në “Inskenimi i aksidentit/ Flet Avokati i Izet Haxhisë: Polici nga Tropoja frenoi makinën pa shkak, i burgosuri humbi ndjenjat, nis hetimi

  1. SALI BERISHA SA TE JETE I LIRE ; QELLIMI I TIJ E$SHTE TE VRAS KUNDERSHTARET E TIJ QE JANE ATDHETAR DHE NJOHIN FAMILJET E TYRE: PER SALI BERISHEN DUHET TE FIRMOSET NJE PEDICION PER TU ARRESTUAR; SEPSE PROKURORET HAJDUT TE TIJ NUK E ARRESTOJNE: SA PER Z. IZET HAXHIA ZOTI E RUAJT NGA TRADHETARI I KOMBIT SALI BERISHOVICI; TURP PER QEVERINE QE NUK KANE MARRUR MAST MBROJTJES PER NJE DESHMITAT TE CILESIVE TE VECANTA DHE SI RAST I PARE NE SHQIPERI: AI SHUME VITE ME PARRE DHE TANI ME FAKTE KONKRETE KA TREGUAR SE SALI BERISHA ESHTE AUTORI KRYESOR QE KA ORGANIZUAR DHE DREJTUAR KRIMIN DHE KORRUPSIONIN E ORGANIZUAR NE SHIPERI DHE JASHTE VENDIT TONE; PLOTE TRE DEKADA NGA 1990-2019:

Shto Koment