Politike

Infektimi i doktor Dhimitër Krajës, Basha: Lutem për shëndetin e tij, s’e ndali asgjë të vinte në krye të detyrës

Në një status në rrjetet scoiale, Basha shkruan se lutet për shëndetin e Krajës, të cilin nuk e ndaloi asgjë që të kthehej në kry të detyrës, edhe pse kishte dalë në pension.
Featured image of article: Infektimi i doktor Dhimitër Krajës, Basha: Lutem për shëndetin e tij, s’e ndali asgjë të vinte në krye të detyrës Mjekët dhe Basha
Përditësuar:

TIRANË– Kryedemokrati Lulzim Basha ka përcjellë urimet për shërim të shpejtë kundrejt doktor Dhimitër Krajës, i cili u infektua nga koronavirusi. Në një status në rrjetet scoiale, Basha shkruan se lutet për shëndetin e Krajës, të cilin nuk e ndaloi asgjë që të kthehej në kry të detyrës, edhe pse kishte dalë në pension.

“Asgjë nuk e ndali doktor Dhimitër Krajën të rikthehet pas 48 vitesh në repartin e infektivit për të ndihmuar dhe shpëtuar jetët e pacientëve. Guximi, humanizmi, profesionalizmi dhe solidariteti njerëzor rrëzuan çdo pengesë, dhe e rikthyen atë në krah të kolegëve të tij, në mbrojtje të jetës dhe shëndetit të bashkëqytetarëve nga virusi i rrezikshëm që e preku dhe atë vetë. I uroj nga zemra doktor Dhimitrit shërim të shpejtë! Urime dhe lutje për shëndetin e tij burojnë nga zemra e çdo shqiptari. Sot si kurrë më parë nderojmë dhe vlerësojmë sakrificat e mjekëve dhe infermierëve tanë që përballen çdo orë me rrezikun dhe sfidat e vështira të shpëtimit të jetëve nga pandemia e COVID-19,”- shkruan Basha. 

Kraja është një nga pensionistët që iu përgjigj thirrjes së qeverisë për tu kthyer sërish në detyrë për të luftuar me Covid-19. Një ditë më parë u bë publik lajmi i keq se Kraja ishte infektuar. Doktori është edhe babai i DJ Viskyt, Vik Krajës. 

Për më shumë bëhu pjesë e grupit më viral në Facebook, Dosja.al

Numri i personave të infektuar në vendin tonë ka në shkuar në 243, ndërkohë që 15 persona kanë ndërruar jetë. 67 persona janë të shëruar. Harta e rasteve është zgjeruar tashmë në 17 qytete, ku mbizotërojnë 129 raste në Tiranë, 26 në Durrës 23 në Fier dhe 15 në Korçë. Qytetet e tjera kanë nga 1-5 raste. Aktualisht janë 77 të shtruar, 8 prej tyre janë në terapi intensive, ndërsa 3 janë të intubuar.

(f.m/dosja.al)

Një Koment në “Infektimi i doktor Dhimitër Krajës, Basha: Lutem për shëndetin e tij, s’e ndali asgjë të vinte në krye të detyrës

  1. Zoti e ndihmofte te sherohet sa me pare …vetem per aktin qe beri duke u kthyer ne pune te sheroje te tjeret duhet te sherohet patjeter .

Shto Koment