Bota

Ligji i ri: Marrëdhënia seksuale me një të mitur klasifikohet përdhunim, s’bën përjashtim as martesa

Ndonëse tani mosha e lejuar për të kryer marrëdhënie në Indi është 18 vjeç, ligjet e përdhunimit përmbanin një klauzolë ku mosha e lejuar për vajzat ishte 15 vjeç nëse ato ishin të martuara.
Featured image of article: Ligji i ri: Marrëdhënia seksuale me një të mitur klasifikohet përdhunim, s’bën përjashtim as martesa Foto ilustruese

INDI– Gjykata e Lartë në Indi ka vendosur që marrëdhëniet seksuale me një të mitur të quhen përdhunime duke anuluar kështu nenin që i lejonte burrat të kryenin marrëdhënie me vajzat e mitura me të cilat ata ishin martuar.

Ndonëse tani mosha e lejuar për të kryer marrëdhënie në Indi është 18 vjeç, ligjet e përdhunimit përmbanin një klauzolë ku mosha e lejuar për vajzat ishte 15 vjeç nëse ato ishin të martuara. Gjykata e cilësoi këtë klauzolë diskriminuese, kapriçoze dhe arbitrare por edhe si një dhunim ndaj integritetit fizik të këtyre vajzave.

“Ky është një vendim që korrigjon një gabim historik të kryer ndaj vajzave. Si mund të përdoret martesa si një kriter për t’i diskriminuar ato? Vajzat nën moshën 18 vjeç tani kanë mundësinë që të raportojnë përdhunimet nga burrat e tyre nëse ankesa paraqitet brenda vitit nga momenti që ka ndodhur ngjarja”, shprehet Vikram Srivastava, themeluesja e grupit të Fushatës “Independent Thought”.

“Ky vendim është një hap para për mbrojtjen e vajzave nga abuzimet dhe shfrytëzimet pavarësisht statusit të tyre martesor. Vendimi pozitiv i kësaj Gjykate do të inkurajojë edhe qeverinë Indiane që të mbrojë të gjitha gratë duke dënuar edhe përdhunimet që ndodhin gjatë martesës”, deklaron Divya Srinivasan, Organizata për Mbrojtjen e të Drejtave të Grave “Equality Now”.

Vajzat shihen zakonisht si një barrë financiare sidomos në vendet rurale dhe ato të varfëra, ndaj shumë prindër i martojnë për të përmirësuar gjendjen e tyre ekonomike. Gjithashtu ekziston dhe frika e një turpi të mundshëm që lidhet me seksin paramartesor duke i detyruar kështu që t’i martojnë vajzat me përdhunuesit e tyre.

Për më shumë bëhu pjesë e grupit më viral në Facebook, Dosja.al

Këto martesa janë një barrierë serioze për vajzat e përfshira pasi ato janë të detyruara të ndërpresin studimet, të fokusohen në punët shtëpiake apo të kalojnë probleme me shëndetin për shkak të lindjeve në moshë të re.

Ligjet e mëparshme indiane përjashtonin rastet kur personat e ngjarjes ishin të martuar. Burri mund të kryente marrëdhënie seksuale me bashkëshorten e tij edhe kundër dëshirës së saj sepse kjo nuk klasifikohej përdhunim.

Ndonëse ligji i miratuar ditën e mërkurë tregon progres, përsëri duhen ndërmarrë hapa për të kriminalizuar përdhunimet martesore.

Në Gjykatat Indiane është paraqitur një sfidë e vështirë përsa i përket këtyre ligjeve, por qeveria aktuale vazhdon të jetë kundër kriminalizimit të përdhunimeve martesore pasi kjo do të dëmtonte institucionin e martesës. Sipas saj, ky kriminalizim mund të përdoret lehtësisht nga gratë si një mjet për të ngacmuar burrat.

Marrë nga Bitchmagazine 

Shto Koment