Sport

Imitoi Suarez duke kafshuar kundërshtarin, mbrojtësi i Lazios e pëson nga Gjykata Sportive

Megjithatë Patric nuk ia hodhi me kaq, sepse Gjykata Sportive e Serisë A mori në shqyrtim rastin dhe vendosi të pezullojë me 4 javë mbrojtësin spanjoll
Featured image of article: Imitoi Suarez duke kafshuar kundërshtarin, mbrojtësi i Lazios e pëson nga Gjykata Sportive Patric dhe Donati

ITALI- Futbollisti i Lazios, Patric humbi toruan në ndeshjen që kryeqytetasit zhvilluan ndaj Lecces. Mbrojtësi imitoi Suarezin gjashtë vite më parë kur sulmuesi i Barcelonës kafshonte Giorgio Chiellinin në Botërorin e vitit 2014. Episodi u regjistrua në minutat shtesë të takimit, kur rezultati ishte 2-1 për vendasit, ndërsa pas sinjalizimeve të ardhura nga VAR, arbitri kryesor i takimit ndëshkoi me karton të kuq mbrojtësin spanjoll dhe e dërgoi para kohe në dhomat e zhveshjes.

Megjithatë Patric nuk ia hodhi me kaq, sepse Gjykata Sportive e Serisë A mori në shqyrtim rastin dhe vendosi të pezullojë me 4 javë mbrojtësin spanjoll, si dhe ta gjobisë me 10 mijë euro për gjestin aspak sportiv.

Për më shumë bëhu pjesë e grupit më viral në Facebook, Dosja.al

Edhe vetë mbrojtësi i Lazios është penduar për çfarë bëri në “Via Del Mare” të Lecces, pasi vendosi t’i kërkojë menjëherë falje Giulio Donatit nëpërmjet një postimi në Instagramin e tij personal.“Giulio Donati të kërkoj ndjesë për gjestin që bëra, ishte mungesë kthjelltësie. Për më tepër të uroj shumë fat ty dhe skuadrës tënde për pjesën e mbetur të kampionatit”, shkroi Patric në Instagramin e tij.

E.Ç (Dosja.al)

Shto Koment