Politike

Ilir Meta mesazh në ditën e Konferencës së Pezës: Të bashkohemi kundër një pushtimi të ri, nga një sekt dhe bandë oligarkësh që kanë uzuptuar vendin

Sipas kreut të shtetit, mesazhet e Pezës janë akuale dhe sot kur vendi është përballë një pushtimi të ri, nga një sekt dhe bandë oligarkësh.
Featured image of article: Ilir Meta mesazh në ditën e Konferencës së Pezës: Të bashkohemi kundër një pushtimi të ri, nga një sekt dhe bandë oligarkësh që kanë uzuptuar vendin Presidenti i Shqiperise, Ilir Meta

PEZE– Presidenti Ilir Meta përcjell një mesazh të fortë në 78 vjetorin e Konferencës së Pezës.

Sipas kreut të shtetit, mesazhet e Pezës janë akuale dhe sot kur vendi është përballë një pushtimi të ri, nga një sekt dhe bandë oligarkësh.

Pezë do të thotë Shqipëria mbi të gjitha! Pezë do të thotë bashkim, kushtrim dhe qëndresë, pa dallim feje, krahine dhe ideje në mbrojtje të interesit kombëtar. Mesazhet që përcjell edhe sot, pas 78 vitesh, Konferenca e Pezës janë më aktuale se kurrë për të lënë mënjanë ndasitë e interesat afatshkurtra, dhe për t’u bashkuar kundër një pushtimi të ri nga një sekt e një bandë oligarkësh që kanë uzurpuar institucionet dhe kanë marrë peng të ardhmen e çdo shqiptari dhe atë europiane të vendit tonë.

Për më shumë bëhu pjesë e grupit më viral në Facebook, Dosja.al

Peza është një amanet: Besa-besë për të shpëtuar Shqipërinë! O SOT, O KURRË”, shkruan Presidenti Meta.

Më 16 shtator 1942 u mbajt Konferenca e Pezës. Në këtë konferencë morën pjesë përfaqësues të forcave antifashiste shqiptare me synim që të formohej një front i përbashkët lufte kundër okupatorit.

(A.B)/Dosja.al

Shto Koment