Aktualitet

I vendosën tritol në makinë/ Suad Lici thirrje agresorëve: S’më trembni asnjë fije, kriminelët të rrinë larg sportit dhe Vllaznisë

Lici ka deklaruar se kriminelët duhet të rrinë larg sportit dhe ta lënë qytetin e Shkodrës të bëjë sportin.
Featured image of article: I vendosën tritol në makinë/ Suad Lici thirrje agresorëve: S’më trembni asnjë fije, kriminelët të rrinë larg sportit dhe Vllaznisë Suad Lici

Shkodër-  Suad Lici, administratori i ekipit të futbollit të Vllaznisë, makinës së të cilit iu vendos tritol mëngjesin e sotëm ka deklaruar për mediet se nuk është trembur nga kjo ngjarje. Lici ka theksuar se kriminelët duhet të rrinë larg sportit dhe ta lënë qytetin e Shkodrës të bëjë sportin.

Intervista për mediet:

Keni pasur konflikte apo presione?
Absolutisht, nuk kam asnjë konflikt me asnjë njeri.

Lidhet kjo ndoshta me detyrën tuaj te Vllaznia?
Po, ndoshta me detyrën, nuk e di, le t’ia lëmë organeve kompetente. Unë nuk kam konflikte me asnjë njeri, jam njeri i lirë dhe do të vijoj që të jem njeri i lirë.

Keni pasur kërcënime, presione apo mesazhe, pasi nga burimet që kemi e dimë që keni pasur, por nuk e di nëse i keni denoncuar?
Jo, nuk kam pasur asnjë lloj problematike, kanë kërkuar njerëzit sqarime i kam sqaruar dhe kaq

Për cfarë?
Në lidhje me sportin. Se nuk kam asnjë problematikë tjetër

Për më shumë bëhu pjesë e grupit më viral në Facebook, Dosja.al

Dyshoni se lidhet me aktivitetin e lojtarëve te Vllaznia?
Nuk jam unë. Unë jam për mbarëvajtjen e punës. Formacionin e bën stafi teknik me drejtorin teknik, cdo gjë është bërë në bazë të strukturës te Vllaznia. Unë kam qenë i detyruar me plotësuar kërkesat e drejtuesve të klubit.

A është presion për t’u larguar nga Vllaznia, ju tremb?
Jo! Absolutisht! Do të vijoj që të bëj detyrën edhe sot do të jem në Durrës për ndeshjen në orën 17:00. Do të vijoj detyrën

Keni një apel për drejtësinë?
Unë mendoj që pa folur organet nuk kemi pse i vendosim një etiketë. Nëse është në marrëdhënie me sportin, mendoj që njerëzit kriminelët duhet të rrinë larg sportit, ta lënë qytetin e Shkodrës të bëjë sportin, jetën e vet sportive, se ky qytet ka nevojë për shumë gjëra.

Ju tremb kjo ngjarje?
Absolutisht jo! Do të vijoj jetën time të përditshme, aktivitetin privat të familjes sime, nuk më tremb asnjë fije, në Shkodër dhe në Tiranë më kanë përditë.

Çfarë do të thotë kjo?
Jam njeri i lirë edhe pas kësaj ngjarje.

Një sasi tritoli i është vendosur mëngjesin e sotëm, makinës tip “Benz” të administratorit të ekipitit të futbollit të Vllaznisë, Suad Lici, e cila ndodhej e parkur në lagjen “Ahmet Haxhia” në Shkodër. Lici sapo është afruar pranë mjetit e ka dalluar tritolin e vendosur poshtë makinës dhe menjëherë ka njoftuar policinë. Fatmirësisht nuk ka shpërthyer lënda plasëse. Pritet që në Shkodër të mbërrijnë eskpertë të forcave xheniere, në mënyrë që të bëjnë shpërthimin e kontrolluar të pakos.

J.V/Dosja.al 

Shto Koment