Showbiz

I publikuan shtëpinë prej guri në Dardhë të Korçës, Sonila Meço: Atë copë tokë që kemi e gërmojmë mirë

  • Njihuni me supervilën e Sonila Meços, e gjitha prej guri ndërtuar mes pyjeve
  • Ajo shton se mjafton që një copëz toke që të bie për pjesë ta punosh mirë, pasi aty gjen mrekullinë. 
    Featured image of article: I publikuan shtëpinë prej guri në Dardhë të Korçës, Sonila Meço: Atë copë tokë që kemi e gërmojmë mirë Sonila Meço dhe vila e saj

    TIRANË– Gazetarja Sonila Meço ka reaguar pas lajmeve për shtëpinë e saj prej guri në Dardhë të orçës. Në një status në rrjetet sociale, Meço shkruan se i vetmi luks që e rrethon në Dardhë është bahçja e mbjellë me perime të ndryshme.

    Ajo shton më tej se mjafton që një copëz toke që të bie për pjesë ta punosh mirë, pasi aty gjen mrekullinë. 

    Reagimi i Sonila Meços

    Për ca tituj portalesh e komente nëpër to

    Ja u lidhën edhe domatet, karrotat presin të shkulen, dardhat janë të shëndetshme këtë verë, rukola e mbarë…Atë copëz tokë që na ka rënë për hise mjafton ta duam, trajtojmë, të përpiqemi të na e shpërblejë kujdesin. Si thosh plaku i urtë: “Gërmoje tokën biri im se aty do gjesh pasurinë e vërtetë!”

    Për atë tokë, ajër e ujë rrofshin ata që dinë t’i çmojnë, ruajnë, duan e punojnë!
    Gjyshërve u puthim duart për ç’na mësuan e mësojnë, për trashëgiminë e vyer dhe dashurinë për tokën me të cilën na ushqejnë!

    Nuk ka asnjë lajm tjetër në fotot prej bahçeve të Dardhës…aty ku fati e desh të rriteshin të parët e bashkëshortit tim e ku stërmbesa e tyre po për të njëjtin fat kalon pushime verore e dimërore.

    Se ndonjëherë portalet, edhe pse prej dashamirësisë, me titujt e tyre nxisin komente nga më të rëndat. Ne i jemi kthyer fshatit e tokës kur shumë të tjerë nuk i ndaheshin dot qytetit. Ky është i vetmi luks, kush kalon nga Dardha e di se si i stolisin bahçet me lule të harlisura banorët e përhershëm e të përkohshëm. Rrofshin për traditën! Ju presim për ditën e Shën Mërisë në 16 gusht, Dardha është pasuri për këdo që shkel në të.

    Ditën e sotme qarkulloi në të gjitha portalet lajmi se Sonila Meço ndodhet me pushime në vilën e saj në Dardhë të Korçës dhe ka publikuar pamje nga shtëpia prej guri në mes të gjelbërimit.

    (f.m/dosja.al)

    Një Koment në “I publikuan shtëpinë prej guri në Dardhë të Korçës, Sonila Meço: Atë copë tokë që kemi e gërmojmë mirë

    1. O soni po si ka mundesi te jeni kaq te rinj e kaq te pasur….kam nje jete qe punoj kam nje pune te mire po nuk mund te jetoj si june luks. Si ka mundesi te keni kaq pasuri apo dhe jui leni nga gjyshja dhurate….

    Shto Koment