Bota

I pari vend në botë! Serbia jep shpërblimin: 25 euro shpërblim nga shteti për ata që vaksinohen

Si vendi i parë në botë Serbia do të aplikojë një shpërblim për ata që vaksinohen ndaj koronavirusit.
Featured image of article: I pari vend në botë! Serbia jep shpërblimin: 25 euro shpërblim nga shteti për ata që vaksinohen Foto ilustruese

“Të gjithë ata që vaksinohen deri më 31 maj, do të marrin 3000 (25 Euro) dinarë”, deklaroi presidenti Aleksandar Vuçiç. Do të shpërblehen njerëzit, “që tregojnë përgjegjshmëri“.

Ndërsa të punësuarve në sektorin publik, që refuzojnë vaksinimin, në rast të sëmundjes nga koronavirusi do t’u hiqet e drejta e pagesës gjatë periudhës së raportit. Pasi në Serbi janë vaksinuar plotësisht 1,3 milionë serbë, programi ka mbetur në vendnumëro.

Serbia shpreson, që ta avancojë fushatën e vaksinimit të enjten (06.05) duke ofruar vaksinim edhe në qendrat tregtare. “Unë në literaturën mjekësore nuk kam lexuar prej askujt, që të jetë paguar për vaksinimin ndaj koronavirusit”, tha epidemiologu serb Zoran Radovanoviç.

“Kësisoj ne do të jemi të parët në Europë, e madje edhe në botë.”

Për më shumë bëhu pjesë e grupit më viral në Facebook, Dosja.al

Me këtë masë njerëzit nga shtresat e varfëra do të kenë një ofertë tërheqëse për t’u vaksinuar. Megjithatë Radovanoviç, tërhoqi vëmendjen, se ky aksion i shtetit mund të ngjallë edhe mosbesim në popull.

“Logjika është: nëse shteti paguan për mua, për diçka që është në dobinë time, atëherë këtu ka diçka që nuk shkon.”

Marrë nga DW

Shto Koment