Aktualitet

I kishin masakruar të atin para syve, shqiptari merr hak në Gjermani, përplas me makinë vëllain e autorit dhe i çan kokën me çekiç

Fillimisht i riu e kishte përplasur Lulajn me makinën e tij dhe më pas kishte dalë dhe e kishte goditur disa herë në kokë me çekiç.
Featured image of article: I kishin masakruar të atin para syve, shqiptari merr hak në Gjermani, përplas me makinë vëllain e autorit dhe i çan kokën me çekiç Demë Lulaj

GJERMANI– Gjykata gjermane ka dënuar me 18 vite burg një 38-vjeçar shqiptar Xhevdet D. i cili vrau për gjakmarrje bashkëkombasin e tij.

I riu shqiptar mohoi tërë seancën se kishte vrarë 58-vjeçarin Deme Lulaj dy vite më parë në Winterswijk. Fillimisht i riu e kishte përplasur Lulajn me makinën e tij dhe më pas kishte dalë dhe e kishte goditur disa herë në kokë me çekiç.

Megjithatë gjatë fjalës së tij në Gjykatë, Xhevdeti këmbëngulte se ishte Lulaj ai që kishte kryer shumë krime.

“A e dini se sa vrasje ka familja Lulaj në ndërgjegjen e tyre? A e dini se Deme Lulaj vrau vjehrrën?,”-tha 38-vjeçari duke hedhur poshtë pretendimet e mëparshme se nuk e njihte viktimën.

GJAKMARRJA

Dyshohet se vrasja e Deme Lulaj është çështje hakmarrjeje. Lulajt dhe familja e autorit ishin fqinj në Kosovë  dhe 38-vjeçari kishte parë kur ishte i vogël se si babai i tij ishte rrahur për vdekje me një shufër prej druri nga vëllai i Deme Lulaj.

Për më shumë bëhu pjesë e grupit më viral në Facebook, Dosja.al

Familjet ishin humbur nga njëra-tjetra pasi kishin ikur jashtë gjatë luftës në Kosovë. Në vitin 2014 përsëri ishin hasur në Gjermani. Deme Lulaj e dinte që kishte ende një gjakmarrje për familjen e tij dhe kurrë nuk ndjehej i qetë kur shkonte në Kosovë.

Brutale dhe e pamëshirshme

Vrasja e Deme Lulaj ishte brutale dhe e pamëshirshme, tha prokurori publik. Ai u godit të paktën pesë herë me një çekiç të mprehtë në kafkën. Ai ishte transportuar akoma i gjallë në spitalin në Nijmegen, por kirurgët nuk mund të bënin asgjë për të.

Vajza e tij ishte gjithashtu pjesëmarrëse në sallën e gjyqit, dhe e pyetur nga gjyqtarët ajo tha: E urrej vrasësin aq shumë saqë shpresoj që të dënohet përjetë.  Ai na ka shkatërruar jetën.

(k.m/dosja.al)

Shto Koment