Aktualitet

I dhanë fund jetës se besonin tek ringjallja, nëna dhe vajza praktikante të Jehovait përcillen nesër në banesën e fundit në Përmet

Zhaneta dhe vajza e saj Anisa do të prehehen në Përmet, aty ku është varrosur edhe kryefamiljari, i cili ka ndërruar në rrethana misterioze 5 vite me pare.
Featured image of article: I dhanë fund jetës se besonin tek ringjallja, nëna dhe vajza praktikante të Jehovait përcillen nesër në banesën e fundit në Përmet Nëna Zhaneta me dy vajzat, Anisa dhe Blerta Josifin

TIRANË -Zhaneta Josifi dhe vajza e saj Anisa Josifi u gjetën pajetë mbrëmjen e djeshme në banesën e tyre në zonën e Kombinatit në Tiranë. Ceremonia mortore për nënë e bijë do të zhvillohet të shtunën në orën 12:00. Trupat e tyre do të nisen nga Tirana për t’u prehur në Përmet, aty ku është varrosur edhe kryefamiljari, i cili ka ndërruar jetë 5 vite më parë në rrethana misterioze.

Nëna dhe dy vajzat, Anisa dhe Blerta, ishin praktikantë të sektit, “Dëshmitarët e Jehovait”. Ekspertiza ka zbuluar se Anisa kishte 15 muaj që kishte ndërruar jetë dhe ishte mumifikuar nga nëna e saj dhe motra. Gjithashtu ata e lyenin trupin me vaj e uthull, që të mos ndihej era e rëndë.

Njoftimet e vdekjes

Policia i gjeti trupat në dy dhoma të ndryshme, ndërsa Blerta u dërgua në spital në gjendje të vetëdijshme. E reja, e cila tashmë ndodhet në urgjencën e spitalit psikiatrik Nr.5, ka dëshmuar, se së bashku me nënën kishin 40 ditë që nuk ushqeheshin. Të trija gratë besonin tek Ringjallja dhe ishin praktikante të sektit të Dëshmitarëve të Jehovait, por nuk ishin të regjistruara. Ngjarja e rëndë u zbulua pas denoncimeve të vazhdueshme të vëllait të Zhanetës, i cili kishte telefonuar disa herë në polici, pasi e motra nuk i përgjigjej.

Për më shumë bëhu pjesë e grupit më viral në Facebook, Dosja.al

(g.sh./dosja.al)

 

Shto Koment