Aktualitet

I dënuar për vrasje në Belgjikë/ Mbesa e 27-vjeçarit që u vra nga atentati në Vlorë u vërsulet mediave: Nuk është momenti të bëni luftë klikimesh, na lini në dhimbjen tonë. Familja e dajos tim nuk duhet të përdhoset kështu

E reja, Aurora Allushaj në postimin e saj i ka bërë thirrje mediave që të respektojnë dimbjen e njerëzve dhe mos të transportojnë lajme të rreme. 
Featured image of article: I dënuar për vrasje në Belgjikë/ Mbesa e 27-vjeçarit që u vra nga atentati në Vlorë u vërsulet mediave: Nuk është momenti të bëni luftë klikimesh, na lini në dhimbjen tonë. Familja e dajos tim nuk duhet të përdhoset kështu Beniamin Bezhani dhe momenti kur nxirret nga makina

VLORË- Ka folur mbesa e Beniamin Bezhanit, 27-vjeçarit të cilit iu bë atentat mbrëmjen e kaluar në Vlorë. Në një postim që ka bërë në rrjetet sociale, ajo ka i ndjeri asnjëherë nuk ka qenë në Belgjikë, dhe mbi të gjitha sipas saj ai nuk është dënuar kurrë për vrasje.

E reja, Aurora Allushaj në postimin e saj i ka bërë thirrje mediave që të respektojnë dimbjen e njerëzve dhe mos të transportojnë lajme të rreme.

“Kolegë ju lutem ruani etikën dhe profesionalizmin. Respektoni dhimbjen e njerëzve dhe mos shkruani informacione të rreme. Familja e dajos tim nuk duhet të përdhoset kështu. I ndjeri. Nuk ka qenë kurrë në Belgjikë e pak më shumë të ketë qenë i dënuar. Nuk është momenti të bëni luftë klikimesh duke rënduar shpirtin e dikujt që ka dhimbje me shumicë. Ju lutem na lini në dhimbjen tonë nëse ju ka mbetur ndopak njerëzillëk”, shkroi Allushaj.

Për më shumë bëhu pjesë e grupit më viral në Facebook, Dosja.al

Beniamin Faslliu Bozhana u vra me armë zjarri në aksin Orikum-Llogara brenda makinës së tij, teksa po kthehej në shtëpi pasi sapo kishte lënë të fejuarën në banesën e saj. Autorët e atentatit e kanë ndjekur dhe kanë nisur që të qëllojnë drejt makinës së tij, e cila ka marrë dhjetra plumba. Tetë prej tyre kanë kapur 27-vjeçarin në trup duke e lënë të vdekur.

Dosja.al ka ‘ndërtuar’ skenën e atentatit ku mbeti i vrarë 27-vjeçari Beniamin Bozhanaj në Vlorë. Mësohet se autorët kanë qenë dy. Ata janë fshehur pas pemëve në zonën e Dukatit, ku dhe kanë pritur për mbërritjen e presë së tyre, në mënyrë që të realizonin planin e krimit. Sapo e kanë parë shënjestrën, autorët kanë qëlluar me kallashnikov dhe pistoletë, plot 22 herë në drejtim të mjetit të Bozhanajt. 8 prej tyre e kapën në trup e kokë 27-vjeçarin dhe e lanë të vdekur. Edhe pse i riu e vuri re pritën që i ishte ngritur, ai eci me shpejtësi mbrapsht dhe tentoi të largohej, por nuk ia doli mbanë. E gjithë ngjarja dyshohet se ka ndodhur një orë e gjysmë para se të pikasej nga banorët e zonës, rreth orës 19:30. Deri në orën 21:00, Bozhanaj ka qëndruar i vdekur, më pas u pikas nga banorët e zonës.

(A.k.dosja.al)

Shto Koment