Aktualitet

I dënuar me 15 vite burg për 100 kg heroinë, kush është Kujtim Pajo që u arrestua në Durrës

Kujtim Pajo rezulton i dënuar me 15 vite burg nga gjykata italiane për trafikim të lëndëve narkotike. Ai është shpallur fajtor, si pjesë e një grupi trafikantësh të cilët janë kapur në 2001, më shumë se 100 kilogramë heroinë.
Featured image of article: I dënuar me 15 vite burg për 100 kg heroinë, kush është Kujtim Pajo që u arrestua në Durrës Kujtim Pajo

Durrës- Në prangat e policisë së Durrësit ka rënë 51-vjeçari, Kujtim Pajo pasi rezulton i dënuar me 15 vite burg nga gjykata italiane për trafikim të lëndëve narkotike. Ai pritet të ekstradohet drejt Italisë ku do të kryejë dënimin.

Kush është Kujtim Pajo?

Kujtim Pajo rezulton të jetë pjesë e grupit kriminal në Itali që merrej me trafik droge, në të cilin ishte edhe biznesmeni i ndërtimit, Plaren Cani. Ky i fundit u vra në në atentat mafioz në 2 shtator të 2013.  Pajo u dënua si pjesë e një grupi të madh trafikantësh të cilët kishin transportuar me anë të trajtëve, më shumë se 100 kilogramë lëndë narkotike, të llojit heroine në vitin 2001. Por pas dënimit nga gjykata me 15 vite burg ai ishte në arrati.

Dënimet e anëtarëve të organizatës, të dhëna më 11 maj 2006:
Plarent Cani  14 vite burg
Artur Vaqo   23 vite burg
Kujtim Pajo   16 vite burg
Alfred Katro  16 vite burg
Alfred Daja   14 vite burg
Faizal Qehajaj 13 vite burg
Ilir Sukaj   12 vite burg
Albana Katro  8 vite burg
Rubin Mustafa 7 vite burg
Ilir Braha   7 vite burg

Njoftimi i policisë:

Specialistët për Hetimin e Narkotikëve në Drejtorinë Vendore të Policisë Durrës, në bashkëpunim me Interpol Tirana dhe me Zyrën e Interforcës të Policisë italiane, pas informacioneve të marra dhe një pune të mirë organizuar, arrestuan përkohësisht me qëllim ekstradimi drejt Italisë shtetasin shqiptar të shpallur në kërkim ndërkombëtar:

• K.P., 51 vjeç, banues në lagjen Nr.1, Durrës.

Shtetasi K. P., ishte i shpallur në kërkim ndërkombëtar nga autoritetet Gjyqësore në Itali, bazuar në Urdhër Arrestin në datë 08.03.2019, për kryerjen e veprave penale “Grup kriminal me qëllim trafikimin e lëndëve narkotike”, pasi është dënuar me 15 vjet burgim.

Materialet hetimore i kaluan Prokurorisë Pranë Gjykatës së Shkallës së Parë Durrës për veprime të mëtejshme.

J.V/Dosja.al

Shto Koment