Aktualitet

Humbi paratë te makineritë e lojërave të fatit, shqiptari tenton të grabisë lokalin, mbyt në grushta pronarin

Shqiptari tentoi t'i rekuperonte paratë në mënyrën e tij, duke grabitur lokalin dhe rrahur pronarin.
Featured image of article: Humbi paratë te makineritë e lojërave të fatit, shqiptari tenton të grabisë lokalin, mbyt në grushta pronarin Foto ilustruese

ITALI-Një 34-vjeçar shqiptar në Itali, i fiksuar pas lojërave të fatit, nuk e ka kapërdirë dot humbjen e parave. Mëngjesin e 14 gushtit, ai humbi të gjitha paratë që kishte, duke luajtur tek makineritë.

Mirëpo shqiptari nuk e la me kaq. Ai u kthye në mbrëmje për të grabitur lokalin, ku kishte humbur paratë. Sipas mediave italiane, 34-vjeçari në gjendje të dehur filloi të godite makineritë.

Veprimet e tij nuk kaluan pa u vënë re nga pronari i lokalit, një shtetas kinez. Ky i fundit,  në përpjekje për të ndaluar shqiptarin, mori disa shqelma dhe grushte. Menjëherë ai telefonoi policinë, e cila erdhi në vendngjarje dhe i vuri prangat shqiptarit.

Për më shumë bëhu pjesë e grupit më viral në Facebook, Dosja.al

Pronari i lokalit ndërkohë u transportua në spital për të marrë ndihmë mjekësore.

(g.sh./dosja.al)

 

Shto Koment