Showbiz

Humbi 7 të afërm nga tërmeti, e veshur me të zeza Evi Reçi i jep kurajo vetes: Kuptova sa vlerë ka jeta

Këngëtarja Evi Reçi ka thyer heshtjen duke mbajtur një fjalim të shkurtër para kamerave, në nisje të emisionit të saj në Vizion Plus. E veshur me të zeza, Evi shprehet se tani më shumë se kurrë e vlerëson jetën.
Featured image of article: Humbi 7 të afërm nga tërmeti, e veshur me të zeza Evi Reçi i jep kurajo vetes: Kuptova sa vlerë ka jeta Evi Reçi

TIRANË– Këngëtarja e njohur Evi Reçi humbi familjen e xhaxhait të saj dhe miqtë e fëmijërisë në tërmetin e 26 nëntorit. 

Për herë të parë, këngëtarja ka thyer heshtjen duke mbajtur një fjalim të shkurtër para kamerave, në nisje të emisionit të saj në Vizion Plus. E veshur me të zeza, Evi shprehet se tani më shumë se kurrë e vlerëson jetën.

Kanë qënë ditë të vështira për të gjithë ne. Për të gjithë Shqiptarët. Shpesh herë bëjmë plane por dikush tjetër i bën për ne. Është krijuar një plagë e madhe, edhe në zemrën time. Në tërmetit e 26 nëntorit humba shtatë njerëz të afërm. Dhimbja ishte e madhe, një tragjedi që askush nuk e imagjinonte. Trishtimi dhe shpresa ecnin bashkë teksa prisnim për një lajm të mirë por nuk ndodhi ashtu. Këto ditë për mua kanë qënë domethënënse, kur kupton se asgjë nuk ka më shumë vlerë sesa jeta,”-shprehet këngëtarja. 

Një prej personave që humbën jetën ditën e tërmetit, ishte edhe kushërira e këngëtares, Kristi Reçi, e cila sipas mediave italiane ishte edhe e dashura prej 2 vitesh e djalit të kryeministrit Edi Rama, Gregut. 

Më 26 nëntor 2019, Shqipëria u godit nga një tërmet i fortë me magnitudë 6.4 të shkallës Rihter. Mbi 51 vetë humbën jetën pasi ngelën nën rrënoja në Durrës, Thumanë e Kurbin, ndërsa mbi 750 u plagosën. Qindra banesa janë dëmtuar nga tërmeti ndërkohë që vijojnë inspektimet në zonat e prekura për të parë të gjitha pallatet e pabanueshme.

(k.m/dosja.al)

Shto Koment