Rajoni

Hoti flet në lidhje me çështjen e presidentit: Së shpejti do të organizojmë një mbledhje të partive politike

Në një prononcim për mediat ai tha se mbledhja do të organizohet për të rënë në një konsensus të barabartë në lidhje me çështjen e Presidentit.
Featured image of article: Hoti flet në lidhje me çështjen e presidentit: Së shpejti do të organizojmë një mbledhje të partive politike Avdullah Hoti

KOSOVË- Kryeministri i Kosovës, Avdullah Hoti është shprehur se do të organizoj një tryezë me partitë politike në vend për të diskutuar çështjen e presidentit. Në një prononcim për mediat ai tha se mbledhja do të organizohet për të rënë në një konsensus të barabartë në lidhje me çështjen e Presidentit. Më tej ai ka thënë se të gjitha partitë kanë pikëpamje të ndryshme në lidhje me Presidencën. Ai gjithashtu tha se propozimet për president të disa partive diheshin por duhet që të bjenë dakort për një person.

Duhet të ndjekim vetëm një zgjidhje kushtetuese. Shpejt do të organizohet tryeza e partive politike për të parë disponimin e partive politike nëse ka disponim që të diskutohet për të gjetur një zgjidhje për presidentin e vendit. Secila prej partive duket ka qëndrime të caktuara. Nuk jemi ulur në tryezë të partive politike parlamentare për të parë nëse ka vullnet që të zgjedhjet një president, dhe nëse ka vullnet cilat janë propozimet e partive. E dimë propozimin e AAK-së, tash po duket edhe të PDK-së. Besoj që ditëve të ardhshme organizohet kjo tryezë dhe të shohim se si mund të shkojmë përpara”, shton ai.

Ndërsa në lidhje me çështjen e votës së deputetit Etem Arifi, tha se i beson vendimit të Gjykatës Kushtetuese dhe se do e pranoj atë sido që të jetë.

Për më shumë bëhu pjesë e grupit më viral në Facebook, Dosja.al

Sa i përket Gjykatës Kushtetuese, ju e dini qëndrimin tonë që e kemi pas standard. Çfarëdo vendimi që del nga ajo gjykatë do ta pranojmë dhe do të sillemi në përputhje me atë vendim”, tha Hoti.

(I.A/dosja.al)

Etiketa:

Shto Koment