Bota

Hong Kong/ Deshën të arratiseshin përmes kanalizimeve, zjarrëfikësit u shkatërrojnë planin studentëve

Ndërhyrja e zjarrfikësve i parandaloi ata që të arratiseshin duke bllokuar hyrjen e vetme të mundshme në sistemin e kanalizimeve në një park nëntokësor brenda kampusit Universitar.
Featured image of article: Hong Kong/ Deshën të arratiseshin përmes kanalizimeve, zjarrëfikësit u shkatërrojnë planin studentëve

HONG KONG – Disa studentë protestues antiqeveritarë të bllokuar brenda një universiteti në Hong Kong, të mërkurën u përpoqën të iknin përmes kanalizimeve. Ndërhyrja e zjarrfikësve i parandaloi ata që të arratiseshin duke bllokuar hyrjen e vetme të mundshme në sistemin e kanalizimeve në një park nëntokësor brenda kampusit Universitar.

Një student në moshën 21 vjeçare i universitetit të Hong Kongut i cili u detyrua të kthehej mbrapa shprehet për mediat e huaja se asnjëherë s’e kishte menduar se një ditë do t’i duhej të fshihej në kanalizime ose të futej përmes tyre për të mbijetuar . “Ishte e tmerrshme kishte gjarpërinj dhe uji na vinte sipër gjunjëve, ne nuk ishim të pajisur, thjeshtë donim të shpëtonim sepse duam të jetojmë në një shoqëri demokratike”, -shtoi ai

Dëshmitarë të tjerë thanë për Reuters se më pak se 100 protestues mbetën brenda Universitetit Politeknik, të rrethuar 24 orë në ditë nga policia, ndërsa më shumë se 1000 të tjerë u arrestuan të hënën. Disa u dorëzuan vetë, ndërsa disa të tjerët u mbajtën nën vëzhgim gjatë përpjekjeve të arratisjes nga policia e cila u përgjigjej me gaz lotsjellës e plumba gome.

Për më shumë bëhu pjesë e grupit më viral në Facebook, Dosja.al

Marrë nga: Reuters

Përshtati në shqip: (A.K/ Dosja.al)

Shto Koment