Sport

Holanda zhgënjen ndaj Italisë, Barella nderon të kaltërit, 21 gola të shënuar në 7 ndeshje

Plot 21 gola janë shënuar në 7 ndeshjet e Ligës së Kombeve, që startuan nga ora 20:45.
Featured image of article: Holanda zhgënjen ndaj Italisë, Barella nderon të kaltërit, 21 gola të shënuar në 7 ndeshje Foto nga ndeshja Itali-Holandë

HOLANDË– Vetëm tre ditë pas barazimit zhgënjyes ndaj Bosnjës në “Artemio Franchi”, Italia u rikthye te fitorja dhe e bëri këtë në “Johan Cruijff Arena” përballë Holandës, ku triumfoi me rezultatin minimal 0-1.Trajneri Roberto Mancini kishte bërë plot 7 ndryshime në formacion dhe të besuarit e tij nuk e zhgënjyen aspak, pasi dominuan lojën ndaj një kundërshtari shumë të fortë dhe arritën të marrin fitoren.

Goli që vendosi fatin e takimit u shënua nga mesfushori i Interit, Nicolo Barella, i cili fluturoi në zonë pas një krosimi të Immobiles dhe dërgoi topin në rrjetë me një gjuajtje mjaft të bukur me kokë.Në sfidën tjetër të këtij grupi, Polonia përmbysi disavantazhin fillestar ndaj Bosnjës dhe arriti të marrë 3 pikët falë fitores 1-2, me golat e shënuar nag Glik dhe Grosicki.

Për më shumë bëhu pjesë e grupit më viral në Facebook, Dosja.al

Në sfidat e tjera të mbrëmjes, Norvegjia triumfoi me rezultatin e thellë 1-5 në transfertën ndaj Irlandës së Veriut, në një ndeshje ku Erling Haaland shënoi dy gola, ndërsa Rumania befasoi Austrinë në Vjenë, pasi fitoi 2-3. Plot 21 gola janë shënuar në 7 ndeshjet e Ligës së Kombeve, që startuan nga ora 20:45.

E.Ç (Dosja.al)

Etiketa:

Shto Koment