Aktualitet

HISTORITË TRAZUESE/ Marsida Qatja dhe Carlota Dossena, dy gratë që bënë lëmsh Kavajën në orët e vona të natës, festat me kokainë dhe alkool që u kthyen në skena krimi, çfarë bëhet sot me dosjen ku u vra Hoxholli

Dy vite më parë, më datë 10 tetor 2019 katër burra dhe një grua u përfshinë në një krim pasioni, i cili ka tronditi qytetin e vogël të Kavajës. Dritan Haxholli, 41 vjeç, i njohur ndryshe edhe si “Tan Peza“, u vra pas një përplasjeje me armë zjarri në shtëpinë e ish-të dashurës së tij, 30-vjeçares me profesion parukiere, Marsida Qatja. Sërish në orët e vona të natës, këtë herë më 28 janar të këtij viti, Kavaja u trondit sërish.
Featured image of article: HISTORITË TRAZUESE/ Marsida Qatja dhe Carlota Dossena, dy gratë që bënë lëmsh Kavajën në orët e vona të natës, festat me kokainë dhe alkool që u kthyen në skena krimi, çfarë bëhet sot me dosjen ku u vra Hoxholli Dritan Haxholli, viktima, Marsida Qatja, Bledar Toci, Indrit Hyseni, Kastriot Dema dhe Carlota Dossena
Përditësuar:

KAVAJË– Kavaja, qyteti i vogël i Shqipërisë së mesme, i njohur për për Liri dhe Demokraci, për përpunimin e poçerinës, qylymave dhe bakrit, nuk ka shpëtuar nga lista e vendeve që është përgjakur jo pak herë në orët e vona të natës. Por, historitë që do të mbahen mend gjatë janë vetëm dy, ku ‘mollë sherri’ janë bërë gratë dhe versionet e treguara nga të gjitha palët kanë zbardhur herë pas herë detaje të reja…për t’i bërë të duken si ato telenovelat që nuk kuptohet kurrë ‘i drejti’.

Dy vite më parë, më datë 10 tetor 2019 katër burra dhe një grua u përfshinë në një krim pasioni, i cili ka tronditi qytetin e vogël të Kavajës. Dritan Haxholli, 41 vjeç, i njohur ndryshe edhe si “Tan Peza“, u vra pas një përplasjeje me armë zjarri në shtëpinë e ish-të dashurës së tij, 30-vjeçares me profesion parukiere, Marsida Qatja. 

Kjo e fundit ndodhej në duplexin e saj ku jetonte me tre fëmijët e saj, dy i kishte nga martesa e parë, ndërsa vajzën 2-vjeçare me bashkëshortin aktual që ndodhej në burg në Gjermani. Mesnatën e 10 tetorit Marsida kishte mbledhur Bledar Toçin, ish-punonjës i policisë së burgut me të cilin përflitej se kishte një lidhje dashurie dhe dy miq të saj, Xhuljo Biturku e Ermir Cela. Por Hoxholli, nga ana tjetër pretendonte se kishte pasur lidhje dashurie me parukieren dhe në orët e vona të 10 tetorit mbërriti në shtëpinë e Qatjas, për t’ju prishur festën katër miqve.

“Tan Peza” ulëriste poshtë pallatit, fliste me mesazhe dhe priste që Marsida t’i hapte derën, por pas refuzimeve të kësaj të fundit u gjet në derën e dupleksit ku dhe qëlloi me breshëri kallashnikovi. Ishte Bledar Toçi, ai që iu kundërpërgjigj me armën e shërbimit, duke e lënë të vdekur në vend Hoxhollin. Nga një ambient festiv, duplexi i Qatjas u kthye në një vend krimi, por ‘sendet’ e gjetur brenda tij zbërthyen një tjetër skemë…atë të trafikimit të drogës.

Kartë telefoni, lugë, dhe pluhur i bardhë, i dyshuar si kokainë, ishin disa nga sendet që u gjetën në banesë, çka sollën dyshime tek policia se grupi ka konsumuar edhe drogë pak minuta para se të ndodhte krimi. Edhe në banesën e vëllait të Bledar Toçit, u gjetën 7 doza kokainë, të cilat sipas policisë ishin gati për shpërndarje. Dosja.al raportoi ekskluzivisht se ky grup miqsh bashkë me disa persona të tjerë ishin vënë nën hetim për shpërndarje të lëndëve narkotike dhe prtej të goditeshin nga momenti në moment, por vrasja…prishi planet.

Hetimet e mëtejshme, siç edhe raportoi Dosja.al zbuluan se ngjarja e 10 tetorit në Kavajë nuk ishte më as rozë e as banale. Nuk kemi të bëjmë më me një vajzë qejflie që merr në shtëpi disa meshkuj për të pirë kokainë dhe një ish të dashur xheloz, por në një rrjet të strukturuar të trafikut të drogës në qytetin e Durrësit, dhe zonën bregdetare të Adriatikut.

Vetë Marsida Qatja, luajti rolin e ‘viktimë’ dhe në një intervistë për Tirana Neës, Marsida Qatja tregoi se ishte paguar me 20 milionë lekë për të ‘mbyllur gojën’ dhe për të mbrojtur individë të caktuar, që siç duket e kanë lënë të tregojë e lirë në parukeri dhe apartament.

 “Mora para se mbylla gojën dhe mbrojta individë, isha pjesë e trafikut të drogës.”-ishte ky mesazhi i Marsida Qatjas, e cila zbuloi edhe se për këtë grup kishte dijeni bashkëshorti i saj në Gjermani, Indrit Hyseni.

Por sot çfarë bëhet me këtë dosje që alarmoi një Shqiëpri të tërë dhe la pas një të vdekur?

Pas kontrollit në shtëpinë e Toçit, Policia e Shtetit arrestoi edhe vëlalnë e tij, Bernard Toçi. 

Polici, Bledar Toçi është nipi i ish-deputetit socialist Fatmir Toçi, dhe sot është liruar. Më 11 prill të vitit të kaluar, ish- shefi i sigurisë së Brendshme të burgut të Durrësit, Bledar Toçi u lirua dhe për të Gjykata e Kavajës i ka caktuar Toçit masën e sigurisë “detyrim paraqitje”. Në dosje u shkruajt se vrasja e 41-vjeçarit Hoxholli ka ndodhur në kushtet e vetëmbrojtjes, duke sjellë dhe lirimin e Toçit.

Për më shumë bëhu pjesë e grupit më viral në Facebook, Dosja.al

Kështu u deshën vetëm pak më shumë se një vit që një krim i rëndë të kthehej në dhënien e një mase që ndoshta do të ishte e përshtatshme për një person që shkakton një aksident me vetëm dëme të vogla material (jo se këta të fundit, nuk duhen ndjekur me përparësi).

Sërish në orët e vona të natës, këtë herë më 28 janar të këtij viti, Kavaja u trondit sërish. Këtë herë festa e biznesmenes italiane Carlota Dossena në vilën e saj në Vilë Bashtovë me emrin ‘Pepe D’oro”, do të kthehej në një vend lufte. Ish-bashkëshorti i italianes, Kastriot Dema u shqetësua nga zhurma që nëna e dy fëmijëve të tij po bënte në dhomën ngjitur me miqtë e saj që rezultuan të ishin edhe pjesë e stafit të hotelit dhe mori thikën për tu sulur në ‘aksion’.

Por përleshja degradoi…miqtë e italiane rrahën Kastriot Demën dhe e bënë për spital, kurse ky i fundit përfudnoi duke ia ngulur thikën ish gruas së tij italiane. Policia arrestoi Demën në spital dhe procedoi penalisht dy personat e tjerë, për të cilën e plagosura tha që e kishin ndihmuar në shumë momente të vështira kur edhe ish-bashkëshorti Dema (i lënë në arrest shtëpie) e dhunonte.

Edhe kjo histori pati shumë versione…

Babai i 32-vjeçarit Kastriot Dema ka rrëfyer se se djali i tij e kishte marrë në telefon për t’i thënë se donin ta vrisnin. Ai ka kërkuar nga autoritetet që të bëjnë drejtësi për ngjarjen. Vëllai dhe nëna e Kastriot Demës thonë se gruaja ka planifikuar të vrasë burrin për t’i marrë pasurinë. Ndërsa vetë Carlota rrëfeu për “Shqipëria live” se është goditur me thikë disa herë nga Kastrioti.

Konfliktet mes çiftit kanë qenë të vazhdueshme dhe Carlota rrëfeu se bashkëshorti do t’i marrë gjithçka që ka investuar. Dossena është shprehur se gjithçka ndodhi pas një darke që po konsumonte me stafin e saj, me rastin e ditëlindjes dhe se tashmë e ka trupin plot me shenja, por sipas saj, episodi i pak javëve më parë, është një ngjarje e përsëritur. Dossena shtoi se ajo ka shpëtuar falë dy punonjësve të hotelit ku ndodhi gjithçka, të cilët e kanë shpëtuar nga duart e Kastriot Demës.

Dy fëmijët e çiftit, gruaja tha se i ka dërguar në Itali, pasi nuk mund t’i mbante këtu me dhunën e vazhdueshme që ushtronte ish-bashkëshorti i saj. Përsa u përket shkaqeve të kësaj dhune, Dossena tha se e gjitha bëhet për hotelin në Vilë Bashtovë. Ajo pretendon se Dema dëshiron ta bëjë ish-gruan që të largohet në Itali dhe ai të përfitojë biznesin.

Ndërsa tezja e Kastriot Demës ka dhënë versionin e saj në lidhje me dhunën që u raportua se Dema ka ushtruar ndaj bashëshortes së tij italiane. Sipas tezes, kanë qenë Carlota dhe punonjësit ata që kanë sulmuar Kastriotin. Mes të tjerash ajo tha se investimi në hotel ishte bërë me para të përbashkëta dhe se ky ishte një kurth që i është bërë nipit të saj nga ana e ish-partneres së tij.

Fqinjët e dy biznesmenëve kishin gjithashtu diçka për të thënë…

Ata rrëfyen se Carlota Dossena dhe Kastriot Dema zihen gjithmonë bashkë. Sipas tyre, kjo gjë ka ndodhur me të drejtë, sepse italianja festonte dhe me burra të tjerë në lokal…

(f.m/dosja.al)

Shto Koment