Aktualitet

Dosja 339/ Apeli i Durrësit dërgon në shtëpi edhe komisionerët e opozitës, 3 të arrestuar, s’apeluan masën e sigurisë (SEANCA E SOTME)

Ndërkohë që nga 21 komisionerë të pandehu në total, tashmë vetëm 3 prej tyre janë në burg. 8 prej tyre ishin në total në burg, po gjykata e Durrësit, vendosi sot lirimin me një masë më të lehtë sigurie. 3 komisionerët që u lanë në burg, nuk kishin apeluar masën e vendosur më herët nga gjykata e Shkallës së Parë në Durrës. 
Featured image of article: Dosja 339/ Apeli i Durrësit dërgon në shtëpi edhe komisionerët e opozitës, 3 të arrestuar, s’apeluan masën e sigurisë (SEANCA E SOTME) Foto ilustruese

TIRANË- 21 komisionerët e arrestuar për shkelje në zgjedhjet e vitit 2017, kanë dalë sot para gjykatës së Apelit në Durrës. Pas shpalljes së moskompetencës nga gjykata e Posaçme e Apelit, sot gjykata e Durrësit ka bërë caktimin e masave të sigurisë për të pandehurit, pjesë e dosjes “339”, do të mbrohen para gjykatës, ndërsa avokatët e tyre pretendojnë për padrejtësi.

Ndërkohë që nga 21 komisionerë të pandehu në total, tashmë vetëm 3 prej tyre janë në burg. 8 prej tyre ishin në total në burg, po gjykata e Durrësit, vendosi sot lirimin me një masë më të lehtë sigurie. 3 komisionerët që u lanë në burg, nuk kishin apeluar masën e vendosur më herët nga gjykata e Shkallës së Parë në Durrës.

Ndërkohë që më herët, Avokatët e të pandehurve thanë se janë njoftuar me vonesë, dhe kjo sipas tyre është në kundërshtim me nenin 249 të Kodit të Procedurës Penale.

Avokatët e tyre thanë se gjykimi është bërë me standarte të dyfishta, e mbi baza partiake. “Masa e sigurisë, arrest me burg është dhënë vetëm për komisionerët e opozitës”, -thanë burime për dosja.al. Avokatët gjithashtu kanë hedhur dyshime për gjyqtarët, e sidomos për relatorin e çështjes. Tritan Hamiti do të kalojë më 10 shtator në Vetting, e sipas mbrojtjes, është i “kompromentuar”.

Për më shumë bëhu pjesë e grupit më viral në Facebook, Dosja.al

Arrestimi i 21 komisionerëve të dosjes “339” u bë disa javë më parë nga SPAK. SPAK po ashtu, shpalli moskompetencën me argumentin se nuk ka fakte për grup kriminal, dhe dosja i kaloi prokurorisë së Durrësit. Hetimi i 339 u kthye në parodi, kur disa orë pas ekzekutimit të urdhër-arresteve, dy komisionerët e PD dhe PS, rezultuan të vdekur që në kohën kur prokurorët po hetonin shit-blerjen e votave në Durrës.

Dosja 339 u regjistrua më 2016, pas një sinjalizimi nga autoritetet gjermane për trafikun e drogës që bëhej nga qyteti i Durrësit. Me hapjen e hetimit, përgjimet zbuluan edhe krime të tjera si shitblerje votash, korrupsion, trafik droge apo tjetërsim pronash.

(F.g/dosja.al)

Shto Koment