Politike

‘Heshta për 2 vite’, Tahiri nis fjalimin me tone të forta: U përballa me drejtësinë, të tjerët u fshehën (VD)

Tahiri tha se për 2 vite, ndërpreu çdo aktivitet duke mos shfrytëzuar politikën.

TIRANE– Ish-ministri i Brendshëm, Saimir Tahiri foli për mënyrën sesi e trajtoi dosjen e hapur në ngarkim të tij. Tahiri tha se për 2 vite, ndërpreu çdo aktivitet duke mos shfrytëzuar politikën.

Saimir Tahiri: S’është e re as për ju as për njeri sesi kaluan dy vite dhe pas dy vitesh hetim prokuroria ndaloi karrovën e parë të akuzave. Gjyqi i tavolinave dhe i mediave, heshta se pse mendova se s’duhet të ishte gjyq popullor por gjyq shembullor.  Unë heshta i bindur sepse e bëra në respekt të drejtësisë. E kisha të thjeshtë të mbaja mandatin e deputetin, e kisha kollaj të rrija në parlament dhe pse hetohesha. Të shfrytëzoja politikën, siç kanë bërë ata para meje, pa asnjë përjashtim. Nuk janë përballur me drejtësinë por janë fshehur. Bëra të kundërtën, lashë mandatin, ndërpreva çdo aktivitet politik, sepse çdo drejtësi në strofullën e politikës, vetëm drejtësi nuk do ishte.

Për gati 60 minuta, ish-ministri i Brendshëm Saimir Tahiri ka dalë sot në një konferencë me gazetarët ku është shprehur se do të apelojë vendimin e Gjykatës për Krimet e Rënda, që e dënoi me 3.4 vite shërbim prove për ‘Shpërdorim detyre’. Tahiri foli edhe për qëndrimin e SHBA, që e quajti një presion mbi gjykatën.

(F.g/dosja.al)

Shto Koment