Aktualitet

“Harresa solli mëngjesin e sotëm”, Ardit Gjebrea reagon për shembjen e Teatrit: Shumë vonë, nuk e mbrojtët dot godinën, s’keni mbrojtur as artistët

Gjebrea tha se sot është shumë vonë për të mbrojtur ndërtesën e Teatrit Kombëtar, pasi sipas tij aktorët janë lënë në harresë për vite me radhë.
Featured image of article: “Harresa solli mëngjesin e sotëm”, Ardit Gjebrea reagon për shembjen e Teatrit: Shumë vonë, nuk e mbrojtët dot godinën, s’keni mbrojtur as artistët Ardit Gjebrea

TIRANË– Reagimi i Ardit Gjebresë për shembjen e teatrit: Harresa për artistët solli mëngjesin e sotëm, duke thënë se shembja e vërtetë është mungesa e kujdesit prej shumë vitesh për komunitetin që ka mbajtur gjallë breza të tërë.

Më tej Gjebrea gjatë fjalës së tij në hapje të emisionit të tij  “E Diela Shqiptare” tha se sot është shumë vonë për të mbrojtur ndërtesën e Teatrit, pasi sipas tij  aktorët janë lënë në harresë për vite me radhë.

“Sot dita nisi papritmas me një ngjarje kulturore, që do thoja është edhe politike. Godina e Teatrit Kombëtar u shemb, por shembja e vërtetë është mungesa e kujdesit prej shumë vitesh për komunitetin që ka mbajtur gjallë breza të tërë. Për atë komunitet që ka fituar duartrokitjen, nderim, respekt, por që pas viteve të demokracisë nuk pati kujdesin e një strategjie që të ecte paralel me zhvillimin e biznesit, të ekonomisë dhe të lulëzonte siç artistët vërtetë meritojnë. Harresa ose lënia pas dore sot solli mëngjesin e sotëm… Është shumë vonë, nuk e mbrojtët dot godinën sepse nuk keni mbrojtur artistët që e kanë mbajtur këtë godinë prej kohësh. Dikur zgërdhinit dhëmbët kur Kryeministri i sotëm bënte batuta për Violeta Manushin, që ishte njësoj sikur të shpotitje një brez që i ka dhënë vlerë mureve që u shembën sot. Kush ka më shumë rëndësi? Muret apo njerëzit? Kush i jep vlerë institucionit? E nëse nuk je kujdesur për ta, e nëse nuk ulërin dhe të vritesh për artistët, është shumë pak sot të mbrosh pasojën e veprën që mban emrin artist teatri. Duhet që politikanët të ndërtojnë një politikë të caktuar për teatrin, të gjithë bashkë, që do të thotë për artistët e teatrit. Duhet që ne të mbushim sallat që ata të marrin frutin e djersës së tyre.”– është shprehur Gjebrea.

Për më shumë bëhu pjesë e grupit më viral në Facebook, Dosja.al

Gjatë orëve të para të ditës së sotme është shembur godina e Teatrit Kombëtar. Aksioni për shembjen e kësaj godine ka nisur 04:30 të mëngjesit të sotëm, ku pati përplasje. Mësohet se në Polici janë shoqëruar Gazment Bardhi, Edi Paloka, aktori Neritan Liçaj, Monika Kryemadhi, Robert Budina, Titi Seranaj, Silva Caka dhe dhjetëra qytetarë. Por përplasjet vijojnë, pak më parë dhjetëra qytetarë çanë kordonin e policisë, në sheshin pranë teatrit. Basha ka paralajmëruar aksion opozitar, ndërsa Kryemadhi iu bëri thirrje shqiptarëve që braktisin gjendjen e fatkeqësisë natyrore.

A.C/Dosja.al

Shto Koment