Aktualitet

‘Harbimi’ i mjekëve shqiptarë në hotelin në Brescia, Sindikata Italiane e Policisë: Ne bëmë punën tonë

Shpresoj që këshilltari në vend që të kërkojë ta çojë çështjen në Parlament të kontribuojë me veprimin e tij politik në çështje më konstruktive e jo në gjueti të padobishme shtrigash.
Featured image of article: ‘Harbimi’ i mjekëve shqiptarë në hotelin në Brescia, Sindikata Italiane e Policisë: Ne bëmë punën tonë Foto ilustruese

ITALI– Sindikata Kombëtare e Forcave të Policisë së degës së Breshës në Itali, ditën e sotme ka reaguar në lidhje me çështjen e mjekëve shqiptarë në hotelin ku ishin strehuar para se të ktheheshin në vend.

“Kolegët kanë reaguar në respekt të rregullave të ligjshmërisë. Nuk ishte hera e parë që punonjësi i natës në Hotel ka kërkuar ndërhyrjen e forcave të rendit, pas ankesave të klientëve të tjerë. Hoteli është një strukturë pranë spitalit civil të Breshës dhe nuk ka dyshim që sjellja e tyre ishte jo vetëm mosrespektim i legjislacionit aktual por dhe i rregullave bazë të bashkëjetesës civile.”– ka deklaruar Sekretari i Përgjithshëm i Sindikatës Provinciale të Punonjësve të Policisë së Breshës, Daniele Possemato.

Ndër të tjera thuhet në deklaratën e Sekretarit të Përgjithshëm të Sindikatës së Forcave të Policisë së Breshës, se 8-9 persona nga grupi i 30 mjekëve e infermierëve shqiptarë qëndronin në ballkonin e njërës prej dhomave të tyre duke kënduar e bërtitur, pasi me shumë gjasa kjo lloj sjellje vinte nga konsumi i alkoolit, duke shqetësuar klientët e tjerë të hotelit dhe kalimtarët.

Me ndërhyrjen e forcave të rendit, sipas sindikatës së policëve të Breshës, disa individë nga grupi i mjekëve dhe infermierëve shqiptarë, në vend që të pranonin përgjegjësitë për sjelljen e tyre, sulmuan policët. Prandaj me këtë incident zgjidhte problemin vetëm zbatimi i ligjit.

Në deklaratën për shtyp Sekretari i Përgjithshëm i Sindikatës Provinciale të Punonjësve të Policisë së Breshës Daniele Possemato, i referohet dhe deklaratës së bërë nga këshilltari rajonal i Partisë Lidhja në Breshia, Gianpaolo Natali, i cili pas këtij incidenti e ka quajtur të gabuar gjobitjen e mjekëve dhe infermierëve shqiptarë të cilët kishin shkuar për të ndihmuar Italinë.

Për më shumë bëhu pjesë e grupit më viral në Facebook, Dosja.al

“Shpresoj që këshilltari në vend që të kërkojë ta çojë çështjen në Parlament të kontribuojë me veprimin e tij politik në çështje më konstruktive e jo në gjueti të padobishme shtrigash.”- thotë ai.

Më 30 maj, në mediat italiane dhe ato shqiptare bëri bujë lajmi se 10 nga mjekët tanë të dërguar në Itali u gjobitën me 500 euro për thyerjen e rregullave. Dosja.al intervistoi ekskluzivisht gazetarin Giuseppe Spatola, i cili rrëfeu të gjithë atë që kishte ndodhur përfshirë edhe disa ndodhi të pahijshme në spitalin ku ata shërbenin. Në disa media shqiptare, pranë qeverisë, disa prej tyre mohuan të kishin thyer rregullat dhe thanë se e gjitha është sajesë e mediave shqiptare, pa marrë parasysh se i gjithë raportimi është bazuar në përkthimin e artikujve të mediave italiane. Tashmë, ata e pranojnë vetë atë që ka ndodhur dhe kështu mund të biem të gjithë në paqe.

Burimi: bsnews

A.C/Dosja.al 

Shto Koment