Rajoni

Haradinaj thirrje serbëve të veriut të Kosovës: Ruani qetësinë!

Featured image of article: Haradinaj thirrje serbëve të veriut të Kosovës: Ruani qetësinë! Ramush Haradinaj

Kryeministri i Kosovës, Ramush Haradinaj, ka reagua lidhur me ngjarjen e ndodhur në Veri, ku policia ka arrestuar dhjetëra persona të akuzuar për një sërë veprash kriminale. 

Me anë të një postimi në rrjetet sociale, Haradinaj shprehet se bëhet fjalë për një operacion për zbatimin e ligjit, e kësisoj fton serbët e Veriut të Kosovës të ruajnë qetësinë. 

“Me urdhër të Prokurorit, në gjithë Kosovën aktualisht është duke ndodhur një operacion policorë, i drejtuar ndaj individëve të përfshirë në kontrabandë, krim të organizuar dhe vepra të tjera kriminale.
Disa prej personave të përfshirë në këto vepra janë zyrtarë doganorë, policë por edhe qytetarë të rëndomtë.
Operacioni u zhvillua me sukses edhe në Komunat Veriore të Kosovës.
Si Kryeministër i vendit, konfirmoj se bëhet fjalë për zbatimin të ligjit dhe asgjë tjetër.
Ftoj serbët e veriut ta ruajnë qetësinë dhe ta respektojnë ligjin!”, – shkruan Haradinaj. 

(B.B/ Dosja.al)

Shto Koment