Politike

Hajdari mbështet Osmanin pas shkarkimit: E kalova vetë mbi kurriz furinë dhe mërinë e politikës së burrave, të përgëzoj për qëndrimet dinjitoze

Ndër të tjera, Hajdari shkruan se e ka kaluar edhe vetëë mbi kurriz furinë e baltës dhe mërisë së politikës së burrave të cilët, sipas saj, e urrejnë mendimin ndryshe dhe demokracinë.
Featured image of article: Hajdari mbështet Osmanin pas shkarkimit: E kalova vetë mbi kurriz furinë dhe mërinë e politikës së burrave, të përgëzoj për qëndrimet dinjitoze Rudina Hajdari dhe Vjosa Osmani

TIRANË– Deputetja Rudina Hajdati ka mbështetur publikisht Vjosa Osmanin, pas shkarkimit të saj nga pozicioni i nënkryetares së Lidhjes Demokratike të Kosovës.

Përmes një statusi në profilin e saj në Facebook, Hajdari shkruan se e përgëzon Osmanin për qëndrimet e saj dinjitoze dhe si një grua me parime të forta.

Ndër të tjera, Hajdari shkruan se e ka kaluar edhe vetëë mbi kurriz furinë e baltës dhe mërisë së politikës së burrave të cilët, sipas saj, e urrejnë mendimin ndryshe dhe demokracinë.

Për më shumë bëhu pjesë e grupit më viral në Facebook, Dosja.al

Ju përgëzoj Vjosa R. Osmani për qëndrimet tuaja dinjitoze si një grua me parime të forta. Ju admiroj për kurajon tuaj.  Unë, ashtu si ju sot, e kam kaluar në kurriz furinë e baltës dhe mërisë së politikës së burrave të cilët e urrejnë mendimin ndryshe dhe demokracinë. Por ajo që kam mësuar dhe jam e sigurtë ju e dini shumë mirë është se me rëndësi në politikë është vetëm besnikëria ndaj parimeve dhe elektoratit. ‪Qëndro e fortë dhe ju uroj shumë suksese,”- shkruan Hajdari.

Vjosa Osmani u shkarkua një ditë më parë nga postet e saj në Lidhjen Demokratike të Kosovës. Pas mbledhjes së Këshillit të Përgjithshëm është vendosur që Osmani të largohet nga kryesia e LDK-së dhe të mos jetë më nënkryetare. Pas përjashtimit, vetë Osmani u shpreh se është përjashtuar nga partia, pasi ka thënë se nuk mund të qeveriset me të korruptuarit e se në Kosovë do sillte ndryshim. 

(f.m/dosja.al)

Shto Koment