Sport

Guardiola: “Duhet të kërkojmë nga FIFA ose UEFA, që ta zgjasin vitin në 400 ditë!”

“Trofeu më i rëndësishëm? Premier League është titulli më i rëndësishëm, pastaj kualifikimi dhe fitimi i Champions League, pastaj FA Cup dhe më pas League Cup, ne duam të fitojmë çdo ndeshje…”
Featured image of article: Guardiola: “Duhet të kërkojmë nga FIFA ose UEFA, që ta zgjasin vitin në 400 ditë!”
Përditësuar:

ANGLI – Duke folur në konferencën për shtyp, para finales së “Carabao Cup”, ndeshje e cila do të zhvillohet të dielën e 25 prillit ndaj Tottenhamit në “Wembley” të Londrës, trajneri i Manchester City, Pep Guardiola, ka treguar prioritet e skuadrës së tij. Sipas trajneri katalanas titulli i Premier League dhe Champions League mbeten primarë.

“Ne meritojmë të jemi në finale. Gjysmëfinalet ishin të vështira dhe tani duam të fitojmë. Ne kemi një sy te Champions League dhe pastaj edhe te Crystal Palace në Premier. Po, ne duam të fitojmë Champions, por Paris SG është aty dhe nuk do të jetë e lehtë për t’i mposhtur ata. Trofeu më i rëndësishëm? Premier League është titulli më i rëndësishëm, pastaj kualifikimi dhe fitimi i Champions League, pastaj FA Cup dhe më pas League Cup, ne duam të fitojmë çdo ndeshje”, – ka thënë Guardiola.

Spanjolli u ndal edhe te Superliga Europiane, duke thënë se futbolli është biznes dhe klubet duan lojtarët më të mirë. “Të gjithë në punën e tyre kanë një pjesë të rëndësishme të biznesit. Futbolli është gjithashtu biznes. Të gjitha ekipet dhe tifozët duan lojtarët më të mirë dhe për këtë duhet t’i blejnë ata. Kapitulli është mbyllur tashmë. Të gjitha klubet kanë bërë deklaratat e tyre”.

Për më shumë bëhu pjesë e grupit më viral në Facebook, Dosja.al

Por tekniku Guardiola, gjeti rastin të ankohet edhe një here për kalendarin e ndeshjeve, që sipas tij vetëm po rritet, duke ironizuar me organizatorët e futbollit. “Ne do të duhet të kërkojmë nga FIFA ose UEFA, që ta zgjasin vitin në 400 ditë në vend të 365 për të luajtur më shumë ndeshje. Unë nuk jam ekspert në Champions League, thjesht kërkoj të zvogëloj orarin dhe të kem më shumë kohë midis ndeshjeve. Ata që vendosin janë të tjerët, unë them mendimin tim. Nëse ata vendosin që ne duhet të luajmë edhe 10 ndeshje të tjera, atëherë ne vazhdojmë”,- deklaroi Pep Guardiola.

B.T (Dosja.al)

Shto Koment