Rajoni

Kurti u zotua për heqje pjesore të taksës, Grenell: Po bën një gabim të madh, SHBA nuk e mbështet

Në një reagim në mediat sociale, Grenell shkruan se Kurti po bën një gabim të madh me heqjen pjesore të taskës.
Featured image of article: Kurti u zotua për heqje pjesore të taksës, Grenell: Po bën një gabim të madh, SHBA nuk e mbështet Richard Grenell dhe Donald Trump

SHBA- I dërguari special i Presidentit të SHBA, Donald Trump për zgjidhjen e konfliktit mes Kosovës dhe Serbisë, Richard Grenell, ka reaguar pas njoftimit nga Kryeministri Albin Kurti se është gati të heqë pjesërisht taksën ndaj produkteve serbe.

Në një reagim në mediat sociale, Grenell shkruan se Kurti po bën një gabim të madh me heqjen pjesore të taskës. Ai shton se administrata e presidentit Donald Trump nuk e mbështet masën gjysmake të shefit të ekzekutivit kosovar.

Ne nuk e mbështesim masën gjysmake të kryeministrit Kurti. Pozicioni ynë është mjaft i qartë: tarifat duhet të bien plotësisht. Z. Kurti është duke bërë një gabim serioz – dhe kjo u bë e qartë për Presidentin Thaçi në Shtëpinë e Bardhë sot”, shkruan Grenell.

Për më shumë bëhu pjesë e grupit më viral në Facebook, Dosja.al

Kryeministri i Kosovës, Albin Kurti ka njoftuar se Qeveria e Kosovës ka vendosur ta heqë përkohësisht taksën 100% të vendosur për mallrat që importohen nga Serbia dhe Bosnja e Hercegovina. Në një deklaratë për mediat, Kurti u shpreh se ky vendim është marrë për të parë reagimin e Serbisë kundrejt njohjes së Kosovës si shtet dhe do të vihet në zbatim duke filluar nga data 15 mars. Sipas Kurtit, kjo gjë do të zgjasë për një periudhë 90 ditore, deri më 15 qershor dhe nëse Serbia nuk ka reflektuar për marrëveshje me Kosovën, taksa do të rivendoset.

(A.B. Dosja.al)

Shto Koment